web counter
LEXO PA REKLAMA!

SHKARKO APP

App Store
Google Play

E fundit!

x

Numërimi i votave nga diaspora/ Balla bën thirrje: Partitë të lejojnë që procesi të vijojë normalisht

15 Maj 2025, 15:53, Politikë CNA

Numërimi i votave nga diaspora/ Balla bën thirrje: Partitë

Drejtuesi Politik i Partisë Socialiste për Diasporën, Taulant Balla, ka bërë sot disa deklarata lidhur me procesin e numërimit të votave nga diaspora. Duke iu referuar zarfeve të mbërritur në KQZ nga shtetasit shqiptarë që votuan për herë të parë përmes postës në zgjedhjet parlamentare të 11 majit, Balla u shpreh se ka pasur përpjekje për të penguar shpalljen e rezultatit përfundimtar.

Balla tha se sipas informacioneve që ai disponon, mbeten për t'u numëruar rreth 25% e këtyre votave.

Balla kërkoi që procesi të përfundojë në mënyrë normale dhe u bëri thirrje të gjitha subjekteve politike të përçojnë një mesazh të tillë.

“Ka përpjekje për të penguar shpalljen e rezultatit përfundimtar. Duhet të kuptojmë të gjitha kërkesat. Nuk jemi në fazën e kontestimeve. Çdo votë e zarf i mbërrritur në KQZ dhe i administruar prej saj. Ka detyra të kësaj salle dhe këtyre numëruesve. Pas këtij momenti vijon edhe përfundimi për çdo subjekt garues të këtyre zgjedhjeve. Të dielën në darkë ka ardhur një person dhe u ka dhënë komisionerëve të mos numërojnë. Janë numëruar rreth 75% dhe mbetën për t'u numëruar rreth 25% e fletëvotimeve. Gjërat janë të qarta dhe nuk bëj asnjë koment lidhur me kompetencat e KQZ-së. Si përfaqësues i një subjekti politik, kërkoj që të vijojë procesi në mënyrë normale dhe këtë gjë duhet ta bëjnë të gjithë përfaqësuesit e çdo subjekti politik”,-tha Balla.





Lajmet e fundit nga