web counter
LEXO PA REKLAMA!

SHKARKO APP

App Store
Google Play

“Europa është e bashkuar”/ Kryeministri britanik Starmer në Tiranë: Nisim prodhimin e automjeteve ushtarake

15 Maj 2025, 13:04, Politikë CNA

“Europa është e bashkuar”/ Kryeministri britanik Starmer

Kryeministri britanik, Keir Starmer, mbërriti këtë të enjte në Tiranë dhe zhvilloi takimet e para me zyrtarë të lartë shtetërorë. Gjatë konferencës së përbashkët për shtyp me kryeministrin Edi Rama, Starmer dha një mesazh të qartë që Europa është e bashkuar, se Europa është e fortë jashtë dhe e sigurt brenda.

Në fjalën e tij, Starmer theksoi nisjen e bashkëpunimit mes dy vendeve për prodhimin dhe shitjen e automjeteve ushtarake.

Starmer vlerësoi rastin për të kujtuar edhe betejën e përbashkët për Ukrainën.

 “Mund të shprehem edhe për deklaratën tonë të përbashkët për bashkëpunimin në sektorin e mbrojtjes. Do të punojmë së bashku për prodhimin dhe shitjen e automjeteve ushtarake. Dëshirojmë të fuqizojmë sigurinë kombëtare, novacionin dhe rritjen ekonomike të vendeve. Ky është moment që shtetet europiane duhet të rrinë së bashku, të bëjmë qëndresë ndaj agresionit rus. Do të vizitoj trupat shqiptare dhe të MB që po punojnë së bashku për të mbrojtur lirinë tonë dhe ajo që po bëjmë për Ukrainën është dëshmi e qartë e asaj që ne po punojmë në formë kaq efikase. Është mbrojtja e Ukrainës ajo që do të udhëheqim. Ju jam shumë mirënjohës juve dhe Shqipërisë për këtë partneritet që keni treguar në këtë betejë tonën duke treguar lidership në të gjithë botën. Nesër do të mirëprisni Samitin, të gjithë udhëheqësit që do të vijnë natyrisht duke u fokusuar te liria europiane. Në këtë moment kritik, përçojmë mesazh të qartë që Europa është e bashkuar, jemi të fortë jashtë nesh dhe të sigurt brenda shtëpive tona”,-tha Starmer./CNA





Lajmet e fundit nga