web counter
LEXO PA REKLAMA!

SHKARKO APP

App Store
Google Play

Konferenca me kryeministrin Starmer/ Rama kritikon: Të hiqet miti se shqiptarët kanë probleme në Britani

15 Maj 2025, 12:44, Politikë CNA

Konferenca me kryeministrin Starmer/ Rama kritikon: Të hiqet miti se

Kryeministri Edi Rama dhe homologu britanik, Keir Starmer, zhvilluan këtë të enjte një konferencë të përbashkët, pas takimit të mbajtur pak minuta më herët në ambientet e Kryeministrisë. Në fjalën e tij, Rama vlerësoi bashkëpunimin mes dy vendeve, duke theksuar edhe çështjet në të cilat po punohet më shumë.

Rama u ndal edhe te beteja kundër emigracionit të paligjshëm, teksa shtoi se për këtë çështje ka një angazhim të veçantë mes dy shteteve.

Rama kritikoi qasjen ndaj emigrantëve të paligjshëm shqiptarë, për të cilat tha se nuk duhet të jetë më miti se shqiptarët janë problem në Britani.

“Një vizitë bilaterale që e çmojmë shumë dhe dua t’iu falënderoj ju posaçërisht, pasi qysh kur erdha në Samitin e Londrës na ofruat njerëzit tuaj në organizmin e këtij Samiti në Tiranë që të jetë në lartësinë e duhur nesër. Moment i rëndësishëm i marrëdhënieve tona mes dy vendeve. Dy çështjet që na lidhin janë beteja në luftën e Ukrainës dhe beteja kundër emigracionit të paligjshëm dhe rrjeteve kriminale që e stimulojnë. Besoj se në këtë të dytën kemi bërë progres.

Në të parën, duke parë edhe situatën gjeopolitike, po punojmë intensivisht për më shumë sinergji në fushën e energjisë dhe mbrojtjes. Në angazhimin kundër krimit të paligjshëm, ne jemi krenarë. Shifrat janë mbresëlënëse. Përfitoj nga rasti për të theksuar që referimi në shifrat e këtij bashkëpunimi është gjëja e duhur për publikun britanik dhe jo kultivimi i miteve se shqiptarët janë problem për Britaninë, pasi shifrat flasin vetë”,-tha Rama./CNA





Lajmet e fundit nga