web counter
LEXO PA REKLAMA!

SHKARKO APP

App Store
Google Play

Takimi me presidentin e KE-së/ Rama: Plan për hapjen e të gjithë kapitujve të negociatave brenda këtij viti

15 Maj 2025, 16:57, Politikë CNA

Takimi me presidentin e KE-së/ Rama: Plan për hapjen e të

Në ambientet e Kryeministrisë zhvillohet konferenca e përbashkët për shtyp e kryeministrit Edi Rama me presidentin e Këshillit Europian, António Costa. Costa mbërriti në Tiranë pasditen e kësaj të enjteje dhe do të qëndrojë për të marrë pjesë në Samitin që mbahet më 16 maj në kryeqyet.

Në fjalën e tij në konferencë, kryeministri Edi Rama theksoi planin e Shqipërisë për hapjen e të gjithë kapitujve brenda këtij viti.

Rama tha se ky është një plan ambicioz dhe BE si asnjëherë më parë është e dëshiruar të pranojë anëtarë të rinj, bazuar në meritë dhe rezultate.

Rama vlerësoi edhe rolin e presidentit të Këshillit Europian, António Costa për punën e bërë me vendin.

“Është kënaqësi e veçantë për ne dhe kenaqësi të ritakohem me presidentin. Është një mik i dashur dhe i mençur. Jemi këtu pasi presidenti ka vizituar të gjithë rajonin dhe është ndalur edhe në Tiranë sepse do të jetë i pranishëm edhe në punimet e Samitit. Diskutuam mbi pikat që na lidhin me KE, me procesin drejt rrugës së anëtarësimit. Sot Shqipëria është zyrtarisht në tryezën e negociatave me 16 kapituj të hapur dhe synojmë t’i hapim të gjithë brenda vitit. Plani është të arrijmë të mbyllim negociatat brenda 3 viteve. Është plan ambicioz dhe BE si asnjëherë më parë është i dëshiruar të pranojë anëtarë të rinj, bazuar në meritë dhe rezultate”,-tha Rama./CNA

 

 

 

 

 

 

 

 





Lajmet e fundit nga