web counter
LEXO PA REKLAMA!

SHKARKO APP

App Store
Google Play

E fundit!

x

Zbulohet skema/ Si do të bëhet Ilir Meta deputet

15 Maj 2025, 21:04, Politikë CNA
Zbulohet skema/ Si do të bëhet Ilir Meta deputet
Ilir Meta

Disa skenarë po qarkullojnë në lojën politike shqiptare për ta bërë Ilir Metën, kreun e Partisë së Lirisë, (ish-LSI-së) deputet.

Tashmë Ilir Meta është renditur qartazi i treti dhe pritet që për rreth 100 kuti të mbyllet rezultati përfundimtar.

Zbulohet skema/ Si do të bëhet Ilir Meta deputet

Më pas do të numërohen dhe votat e Diasporës ku Ilir Meta shpreson të ketë vota.

Nga ana tjetër shpresa mbetet deri në momentin e fundit të numërimit të votave për koalicionin dhe partitë që vijnë nga Diaspora duke shpresuar që PD-ASHM t’i marrë mandatin e dytë “Mundësisë” së Agron Shehajt.

Cila është skema?

PD merr 14 vende në parlament në rast se i merr mandatin Agron Shehajt nga votat që vijnë nga emigracioni.

Dhe, me shumë gjasa demokratët e kanë targetuar që deri në fund me votat që do të vijnë nga Greqia ku shpresohet që "Mundësia" të mos ketë vota, PD-ASHM të marrë mandatin e dytë të Agron Shehajt në Tiranë. Pra, koalicioni PD-ASHM të ketë 14 vende.

Me këto 14 vende ekuacioni bëhet shumë i thjeshtë.

Hyn Jorida Tabaku nga lista hyn dhe doktor Alimehmeti dhe Ilir Meta ngelet i pari në listën pritse.

Çështja është shumë e thjeshtë. Tedi Blushi Sekretari i Përgjithshwm i Partisë së Lirisë jep dorëheqjen nuk e merr mandatin dhe automatikisht hyn i pari në listën pritse.

Ky është skenari më i mirë dhe skema më e qartë që Ilir Meta të marrë mandatin e deputetit me shpresën që menjëherë më pas do të lirohet nga burgu.

14 vende të opozitës janë shpëtimi i Ilir Metës duke mos e rënduar ekuacionin politik sepse në të kundërt në rast se PD-ASHM do ngelet me 13 skema do komplikohet.

Por dhe atje është gjetur një formulë e gatshme siç është ofrimi që mund t’i bëhet Ilir Alimehmetit që ai të jetë kandidati i opozitës për Bashkinë e Tiranës në zgjedhjet e pritshme që mund të shpallen në kryeqytet dhe kjo sërish do i jepte mundësinë Ilir Metës më pas të merrte mandatin e deputetit.

Në fakt ekuacioni më i thjeshtë dhe që po pritet nga të gjithë është që PD-ASHM të marrin mandatin e “Mundësisë” dhe gjithçka të zgjidhet edhe më lehtësisht./ CNA





Lajmet e fundit nga