web counter
LEXO PA REKLAMA!

SHKARKO APP

App Store
Google Play

Protesta e opozitës/ Berisha: Zgjedhjet e 11 majit ishin botërisht të njohura si farsë elektorale para se të zhvilloheshin

16 Maj 2025, 19:00, Politikë CNA

Protesta e opozitës/ Berisha: Zgjedhjet e 11 majit ishin botërisht

Kryetari i Partisë Demorkatike pas kthimit nga Brukseli iu bashkua protestës së opozitës të mbajtur pasditen e sotme.

Në fjalën e tij, Berisha tha se paraqiti në Bruksel masakrën elektorale të Toto Rinës së Ballkanit, referuar kryeministrit Edi Rama.

Më tej kryedemokrati u shpreh se njohu Forumin Botëror të Partive të Qendrës së Djathtë me pëërdorimin e bandave për qëllime elektorale nga Edi Rama.

Zgjedhjet në Shqipëri, Berisha i quajti një farsë elektorale, më e shëmtuara e ndodhur ndonjëherë.

“Mbi 87 parti politike para të cilëve paraqita sot masakrën elektorale të Toto Rinës së Ballkanit. Njoha miqtë me të gjithë shkeljeet mostruoze dhe bindja e përjgithshme ishte se karrigia e Edi Ramës qëndron mbi krimin mostruoz të grabitjes së zgjedhjeve. Forumi Botëror i Partive të Qendrës Djathtë u njoh me përdorimin nga Edi Rama të bandave të rrezikshme, u njoh me listën e kandidatëve të krimit me në krye Edi Ramën dhe vazhdon me Sara Milën. U njoh dhe u denoncua botërisht përdorimi i qindra milionë eurove për të blerë vullnetin e qytetarëve shqiptarë. Zgjedhjet në Shqipëri ishin farsa elektorale më e shëmtuar. U garantoj se Edi Rama kurrë nuk do mund të qëndrojë në atë karrige me zgjedhje të vjedhura, me zgjedhje të krimit dhe korrupsionit. Do të marrë përgjigjen që meriton.

Zgjedhjet e 11 majit ishin botërisht të njohura si farsë elektorale para se të zhvilloheshin. Rama dëshmoi se është një kriminel, një mostër ndaj vullnetit të lirë të shqiptarfëve. Çdo ditë në këtë betejë do të arrijmë qëllimet tona. Kjo betejë do zhvillohet në çdo zyrë të rëndësishme, kjo betejë do të fitohet nga luftëtarët e lirisë. Të vazhdojmë me përkushtim. Edi Rama  nuk ka të ardhme, do përfundojë aty ku kanë përfunduar armiqtë e votës së lirë. Masakra zgjedhore e 11 majit shënon masakrën më të turpshme në historinë zgjedhore në Europë”, tha Berisha./ CNA





Lajmet e fundit nga