web counter
LEXO PA REKLAMA!

SHKARKO APP

App Store
Google Play

Macron: Duhet bërë më shumë për integrimin rajonal dhe zgjerimin e BE-së

16 Maj 2025, 14:03, Politikë CNA

Macron: Duhet bërë më shumë për integrimin rajonal dhe

Presidenti i Francës, Emmanuel Macron, nga samiti në Tiranë, ka deklaruar se Europa duhet të këmbëngulë që të sigurojë një paqe të qëndrueshme në Ukrainë.

Macron thekson se duhet bërë më shumë për integrimin rajonal dhe zgjerimin e BE-së.

Presidenti i Francës dha mesazhin se Europa duhet të bashkërendojë, duhet të veprojë e bashkuar.

“Rusia nuk e do armëpushimin. Duhet t'u kthehet diskutimeve që u mbajtën në 2022-shin. Duhet të këmbëngulim që të sigurojmë një paqe të qëndrueshmë në Ukrainë. Unë shpresoj se duhet të ketë një traktat paqeje mes Armenisë dhe Azerbajxhanit. Duhet mbështetur Moldavia ndaj agresionit të përditshëm nga Rusia.

E gjitha ka të bëjë me koordinimin mes nesh për t’i dhënë fund situatës në Gaza. Është i nevojshëm një armëpushim.

Na duhet paqe, na duhet unitet, siguri.

Për të qenë të veçueshëm duhet të kemi reagim të përbashkët. Na duhet një shtyllë e fortë në NATO dhe duhet të veprojmë se bashku. Europa ka më shumë rëndësi sot sa i takon sigurisë sonë.

Do të doja të ndërtonim një koalicion shtetesh për të luftuar trafikun, korrupsionin.

Kemi të bëjmë me sigurinë tonë demokratike. Mund ta kuptojmë nga zgjedhjet, ka kërcënime për minim të demokracisë. Kuptuam që ka ndërhyrje të huaja konstante që po minon demokracitë tona.

Duhet bërë më shumë për integrimin rajonal dhe zgjerimin e BE-së. Duhet të bashkërendohemi për të luftuar kërcënimet nga jashtë.

Jemi më të fortë po të qëndrojmë së bashku. Duhet të mbrojmë tregjet tona.

Jemi në një pikë ku duhet t’i dalim zot situatës.

Është koha që të ngrihet një sekretariat që të bashkërendojë këto në kuadër të PPE-së që të përfshijë dhe praninë e Këshillit Europian. Kjo do të ishte e dobishme”, tha Macron./ CNA





Lajmet e fundit nga