web counter
LEXO PA REKLAMA!

SHKARKO APP

App Store
Google Play

E fundit!

x

Konferencë e përbashkët me Macron/ Rama: Kemi folur për përfshirjen e Francës në ndërtimin e hekurudhës Durrës-Prishtinë

17 Maj 2025, 09:59, Politikë CNA

Konferencë e përbashkët me Macron/ Rama: Kemi folur për

Ditën e sotme është nënshkruar memorandumi i mirëkuptimit ndërmjet Ministrisë së Turizmit dhe Mjedisit dhe Agjencisë Franceze për Zhvillim për krijimin e një projekti gjithëpërfshirës për turizmin e qëndrueshëm në rajonin e Korçës.

Pas nënshkrimit, kryeministri Edi Rama ka zhvilluar një konferencë të përbashkët me presidentin francez Emmanuel Macron.

Në fjalën e mbajtur, Rama tha se falë bashkëpunimit shqiptaro-francez janë krijuar rrugët për të sjellë në Shqipëri ekselencën e Francës.

Më tej Rama tha se synohet të fuqizohet marrëdhënia me Francën dhe në drejtim të ujërave, ku francezët janë kampionë të inovacionit.

Gjithashtu Rama tha se po diskutohet edhe përfshirja e Francës në ndërtimin e hekurudhës Durrës-Prishtinë.

“Kemi bërë një bilanc të punëve të realizuara pas vizitës së parë të presidentit Macron. Privilegj i veçantë që Shqipëria mikpriti komunitetin politik europian.

Falë këtij bashkëpunimi kemi krijuar rrugët për të sjellë ekselencën franceze në Shqipëri.

Duam ta fuqizojmë marrëdhënien dhe në drejtim të administrimit të ujërave, ku Franca është kampione e inovacionit dhe eksperiencës. Ka kompani që operojnë në të gjithë botën. Kemi folur edhe për mbetjet, kemi shumë për të bërë.

Kemi folur edhe për mundësinë e përfshirjes së Francës në ndërtimin e hekurudhës Durrës-Prishtinë. Do të shohim më tej se si mund të materializohet”, tha Rama.





Lajmet e fundit nga