web counter
LEXO PA REKLAMA!

SHKARKO APP

App Store
Google Play

E fundit!

x

“Kemi çelur degën e re të Kolegjit të Europës”/ Rama, batuta me Macron: Studentët francezë nuk duan të kthehen më

17 Maj 2025, 11:58, Politikë CNA

“Kemi çelur degën e re të Kolegjit të

Në Tiranë po zhvillohet Forumi ndërkombëtar FII (Future Investment Initiative). I pranishëm në këtë forum, kryeministri Edi Rama në fjalën e tij tha se më në fund Shqipëria bëri diçka përpara Francës, referuar mbajtjes së forumit në vendin tonë.

Më tej, Rama u ndal dhe te samiti i djeshëm i mbajtur në kryeqytet, për të cilin tha se u kuptua se sa e komplikuar është të organizosh evente të tilla.

Kryeministri njoftoi se është hapur në Shqipëri dega e re të Kolegjit të Europës, në të cilin tha se ka shumë studentë nga e gjithë bota. Madje Rama bëri dhe batuta me presidentin francez, i pranishëm në forum. Kryeministri i tha Macron se studentët francezë nuk duan të kthehen më në Francë dhe shpreson që të mos fajësohet nga opozita e vendit të tij për këtë.

“Më në fund bëmë një gjë përpara Francës, që është një fillim i mirë. Pas katër zgjedhjeve rreziku për të folur më gjatë është i pranishëm. Jemi shumë krenarë për atë çfarë kemi arritur. Përgjegjësia është shumë e madhe dhe kërkesa për të pasur rezultate në nivele të larta po rritet dita-ditës. Dje kuptuam sa e komplikuar është që të organizohet një eveniment kaq i madh. Ne duam që miqtë të thonë që jemi partnerë strategjikë të SHBA-së dhe BE-së.

Kohërat që jetojmë janë të ndërlikuara. Kur dëgjova presidentin e SHBA-së të fliste për një epokë të artë për Amerikën, ndjesia ime ishte që një epokë e artë mund të çelet edhe për Europën.

Falë ndihmës së disa uhdhëheqësve kemi çelur degën e re të Kolegjit të Europës në Tiranë. Kemi studentë nga e gjithë Europa dhe ata që vijnë duan të qëndrojnë e të punojnë në Tiranë. Nuk duan të shkojnë më në Francë, Emmanuel. Shpresoj të mos të të fajësojë opozita”, tha Rama./ CNA





Lajmet e fundit nga