web counter
LEXO PA REKLAMA!

SHKARKO APP

App Store
Google Play

E fundit!

x

Alibeaj humbet zgjedhjet, por jo kapadaillëkun

17 Maj 2025, 14:36, Politikë CNA

Alibeaj humbet zgjedhjet, por jo kapadaillëkun

E mbani mend koalicionin "Djathtas për Zhvillim”?
Në emër të koalicionit, në ekrane dilte Enkelejd Alibeaj, ish-zyrtar shumë i lartë i Partisë Demokratike gjatë drejtimit të Lulzim Bashës.

E pra, koalicioni i Alibeajt me Dashamir Shehin ka siguruar fiks 5547 vota në rang kombëtar.
Kjo shifër rezulton sipas të dhënave zyrtare të Komisionit Qendror të Zgjedhjeve.

Me këtë rezultat Alibeaj, Shehi dhe të tyrët kanë zënë vendin e tetë në listën e subjekteve garuese.
Alibeaj renditet menjëherë pas Lulzim Bashës me partinë e tij me emër koalicionesh. Luli, me emërtimin që i dha “Koalicioni Euroatlantik” që kur nisi blerjen e letrave të gjykatës, u duk si ato speciet që kur ndiejnë frikën fryhen që t'u duken kundërshtarëve më të mëdhenj sesa janë.

Por kthehemi tek Alibeaj, që patrullonte familjarisht zyrat e SPAK-ut kur u hap llafi që asistenca amerikane ishte larguar. Dhe që pastaj e la patrullimin kur u hap llafi që amerikanët ishin rikthyer në SPAK.
Alibeaj ka nisur të dalë në media dhe të flasë për fitore e humbje të të tjerëve.
Dashi, për hir të së vërtetës, nuk duket të dalë. Do të jetë i zhgënjyer që shqiptarët nuk e kuptuan që ai është e ardhmja dhe i riu në politikë. Ndaj nuk meritojnë që ai t'u flasë.
Kurse Alibeaj doli!
Dhe e vetmja gjë që u kuptua është që edhe pas humbjes katastrofike ka shtrënguar fort kapadaillëkun. Siç duket mban mend porositë e nënës: sido që të shkojë mbaj një gjë veshur për siguri./ CNA





Lajmet e fundit nga