web counter
LEXO PA REKLAMA!

SHKARKO APP

App Store
Google Play

E fundit!

x

“Votat nga Greqia e turpërojnë PS-në”/ Kaso: Diaspora ka bërë dhjetëra denoncime për procesin

18 Maj 2025, 19:34, Politikë CNA

“Votat nga Greqia e turpërojnë PS-në”/ Kaso: Diaspora

Përfaqësuesi i Partisë Demokratike, Ivi Kaso ngriti sot akuza se procesi i votimit nga diaspora, veçanërisht nga Greqia, është minuar nga parregullsi të shumta, gjë që sipas tij e bën votimin të pavlefshëm. Në një deklaratë për mediat nga Parku Olimpik, ku kryhet numërimi i votave nga diaspora, Kaso tha se këto rezultate që do të turpëronin edhe kohën e diktaturës.

Kaso shtoi se veç reagimeve të PD-së, edhe vetë diaspora ka bërë dhejtëra denoncime për procesin.

“Kemi parë rezultate nga votat e Diasporës në Greqi të cilat do të turpëronin edhe bastionet më të thekura socialiste. Rezultate që e japin PS në çdo kuti votimi me një maxhorancë me mbi 90%. Në raste të caktuara, si në Berat dhe Gjirokastër, kemi pasur rezultate 98% për PS dhe pjesa tjetër për partitë e tjera, rezultate këto që do të turpëronin edhe kohën e Diktaturës. Për fat të keq, vota e Diasporës është manipuluar në mënyrë të frikshme. Një proces tërësisht të përçudnuar që nuk përfaqëson vullnetin e bashkëkombësve tanë, veçanërisht në Greqi. Jemi njohur edhe me shoqata të Diasporës që kanë kallëzuar procesin në SPAK, kanë kallëzuar me emër dhe mbiemër drejtues të Partisë Socialiste. Kemi pasur mijëra denoncime që para se të mbyllej procesi. Është denoncuar fakti që zarfet nuk u kanë mbërritur në shtëpi dhe kur kanë shkuar në zyrat postare për t’i marrë i gjenin zarfet sikur ishin plotësuar. Kemi pasur dhjetëra raste të dokumentuara të shkeljes së kontratës nga operatorët postarë të nënkontraktuar nga DHL, të cilët kanë bërë gjithçka në kundërshtim me garancinë bazë të procesit. I gjithë procesi i Greqisë është nul dhe bie poshtë”,-tha Kaso./CNA

 

 





Lajmet e fundit nga