web counter
LEXO PA REKLAMA!

SHKARKO APP

App Store
Google Play

E fundit!

x

Rekomandimet e qeverisë në luftën kundër krimit/ Dumani: Nuk përmban të dhëna, nuk është i plotë

19 Maj 2025, 11:31, Politikë CNA

Rekomandimet e qeverisë në luftën kundër krimit/ Dumani: Nuk

Sot, në Prokurorinë e Përgjithshme, u prezantuan rekomandimet e qeverisë në luftën kundër krimit. Të pranishëm ishin ministri i Drejtësisë, Ulsi Manja, Prokurori i Përgjithshëm Olsian Çela dhe kreu i SPAK-ut, Altin Dumani. Në fjalën e tij, Dumani u shpreh se rekomandimet nuk shoqërohen me të dhëna dhe kjo e bën të paplotë këtë dokument.

Dumani tha se rekomandimet nuk shprehen me të dhëna statistikore të nevojshme dhe nuk ofrojnë asnjë përkufizim racional.

Kreu i SPAK-ut i konsideroi të mirëpritura rekomandimet, teksa shtoi se institucioni shpreh gatishmërinë maksimale për të përmbushur detyrat. Drejtuesi i Prokurorisë së Posaçme në fjalën e tij evidentoi dhe disa gjetje të SPAK.

“Pasi jemi njohur me rekomandimet nuk mund të rri pa thënë disa elementë, disa gjetje tonat. Rekomandimet nuk shoqërohen me të dhëna statistikore, analizë krahasuese apo tregues konkret që justifikon nevojën për ndërhyrje. Kjo mungesë i bën rekomandimet të duken subjektive dhe vështirë të matshme sidomos për SPAK që funksionon mbi bazën e efikasitetit, rezultateve dhe besueshmërisë publike. Rekomandimet tek një pjesë e tyre përdorin terma të përgjithshëm si hetimet proaktive, forcimi i qasjes strategjike, por nuk ofrojnë asnjë përkufizim operacional.

Kjo krijon pasiguri për zbatimin praktik dhe mund të çojë në interpretim të ndryshëm nga institucionet zbatuese. Një rekomandim tjetër që shikoj, megjithëse në vlerësimin e institucionit tonë nuk ka të bëjë me prioritete dhe luftën kundër kriminalitetit, por është ajo që ju e thoni në rekomandimet tuaja “nevojë për respektim të mekanizmave ekzistues të kontrollit”. Rekomandohet forcim i mekanizmave të brendshme kontrollit. SPAK, tashmë subjekt i mbikëqyrjes nga KLP, ILD, krijimi i strukturave të reja vlerësimi dhe integriteti pa analizë të mekanizmave ekzistues rrezikon të sjellë një mbingarkesë burokratike.

Disa nga rekomandimet janë shumë të përgjithshme dhe nuk përcaktojnë objektiva të matshëm, institucione përgjegjëse apo burime konkrete duke rrezikuar të mbeten jo të zbatueshëm. E thashë për ti bërë parapri, sepse ne në fund të çdo viti raportojmë edhe përmbushjen e rekomandimeve të Këshillit të Ministrave.

Kështu që patjetër në tërësinë e tyre rekomandimet janë të mirëpritura dhe shprehim angazhimin maksimal si institucion që këto rekomandime të jenë në prioritetin e punës së institucionit, por nga ana tjetër disa prej tyre nga mënyra se si janë formuluar apo si janë konceptuar nga pikëpamja praktike paraqesin vështirësi për tu zbatuar. Dhe unë që tani konstatoj vështirësi se si do të raportoj për përmbushjen e këtyre rekomandimeve”, tha Dumani./CNA  





Lajmet e fundit nga