E fundit!

10:21 Aktualitet

Fshehu qindra mijëra euro në tubin e aspirimit/ Amnistia Penale nxjerr nga burgu pastruesen “famoze”

Rozeta Dobi, e dënuar për vjedhjen e një shume të konsider...

Mbeti jashtë parlamentit/ Alimehmeti: Ky sistem duhet fshirë, gara ishte e brendshme, jo ndaj kundërshtarit

19 Maj 2025, 11:08, Politikë CNA

Mbeti jashtë parlamentit/ Alimehmeti: Ky sistem duhet fshirë, gara

Ilir Alimehmeti

Kandidati i PD-së në listën e hapur për Tiranën, Ilir Alimehmeti, edhe pse një nga më të votuarit në zgjedhjet e 11 majit, mbeti jashtë parlamentit.

Pas këtyre zgjedhjeve dhe rezultatit, Alimehmeti ka thyer heshtjen duke u shprehur se problemi më i madh që pati sistemi ishte që gara nuk duhet të ishte brenda llojit, por me kundërshtarin.

Në një intervistë për "A2CNN", Alimehmeti u shpreh se në vend që të kishte garë idesh pati një garë të brendshme.

Alimehmeti tha se është për mazhoritarin, pasi me këtë sistem që është do të ketë gjithnjë e më shumë zëra të dobët në parlament, do të ketë një parlament të dobët.

“Problemi më i madh që pati sistemi ishte se gara nuk duhet të jetë mes njëri-tjetrit, por me kundërshtarin. Ky vetëm sistem elektoral nuk është. Në vend të ketë garë idesh u trasformua në garë të brendshme.

Një sistem që duhet fshirë, prodhon parlament të dobët se largon parlamentarin nga qytetari. Mentaliteti im, jam për mazhoritar, atë që kemi pasur 20 vjet më parë, ajo ishte garë. Kjo nuk quhet garë. Në të kundërt do të kishim një proporcional kombëtar.

Do kemi zëra gjithmonë e më të dobët në parlament. Vijmë te këto këtu që parlamenti hedh poshtë vendimet kushtetuese. Problemi është se ku po shkojmë ne, përgjigjen na i japin njerëzit, se zgjedhje pas zgjedhje votuesit janë gjithnjë e më pak. Lidhja mes tyre e deputetit, nuk ka më deputet, ata pyesin kush është deputet i zonës. Ata e duan mazhoritarin.

Demokracia është përfaqësim për njerëzit. Duhet të flasim seriozisht për sisteme që funksionojnë për njerëzit, jo për kokat e politikës. Të dyja forcat politike kryesore, PD-PS, kanë qenë dakord dhe si çdo gjë e ka efektin mbrapa. Por në 2021 Rama bëri ndryshime unilaterale”.

I pyetur nëse lista e sigurt e PD-së do të largohet për t’i lënë vendin, Alimehmeti u përgjigj se nuk është aty për të lypur mandate. Ai theksoi se mbështetjen e kërkon vetëm nga njerëzit.

“Ligji është ligj, edhe pse jam kundër këtij ligji dhe e kam kundërshtuar që verën e kaluar, se është i disfavorshëm për opozitën, duhet zbatuar. Lista e hapur ishte e vetmja mundësi dhe unë vetëm njerëzve ua kërkoj mandatin.

Nuk jam aty për të lypur mandate nga lista e mbyllur, që të jemi të qartë. Por nëse dikush prej tyre e bën ligji kërkon zbritjen e listës, ligji duhet zbatuar edhe kur nuk të pëlqen. Vetëm njerëzve u kërkoj mbështetje, besoj te demokracia nga poshtë”, tha Alimehmeti./ CNA