web counter
LEXO PA REKLAMA!

SHKARKO APP

E fundit!

x

“Mungesa në organikë me 35%”/ Çela: Të përmirësohet infrastruktura për hetimet

19 Maj 2025, 12:26, Politikë CNA

“Mungesa në organikë me 35%”/ Çela: Të

Gjatë prezantimit të sotëm në Prokurorinë e Përgjithshme të rekomandimeve të qeverisë në luftën kundër krimit, kreu i këtij institucioni, Olsian Çela, shprehu disa nga mangësitë e gjendjes aktuale. Çela tha se nevojitet plotësimi i organikave, që ka mungesa me 35%.

Gjithashtu, theksoi çështjen që ka të bëjë me infrastrukturën, sidomos me Prokurorinë Tiranë dhe me gjykatën e këtij rrethi.

Çela tha se cilësia në ndjekjen e hetimeve lidhet edhe me sigurimin e kushteve të punës.

“I rëndësishëm për ndjekjen e rekomandimeve do të jetë sidomos për Prokuroritë e Juridiksionit të Përgjithshëm plotësimi i organikave. Ngritja e seksioneve të posaçme dhe njësive të specializuara kërkon njerëz pasi ende ne kemi 35% të mungesave në organikë, le të themi kjo relativizon shumë mundësinë e ndjekjeve të rekomandimeve. E dyta që doja ta ngrija, është një çështje që ka të bëjë me infrastrukturën, sidomos me prokurorinë Tiranë dhe me gjykatën e këtij rrethi, është çështje urgjente. Shpresoj në vijimin e përpjekjeve për një zgjidhje, pasi cilësia në ndjekjen e hetimeve lidhet edhe me sigurimin e kushteve të punës”, -tha Çela./CNA





Lajmet e fundit nga