web counter
LEXO PA REKLAMA!

SHKARKO APP

App Store
Google Play

E fundit!

x

“U shkelën parimet e zgjedhjeve”/ Berisha, për 11 majin: Kontrolli i votës u përhap në gjithë vendin

20 Maj 2025, 12:32, Politikë CNA

“U shkelën parimet e zgjedhjeve”/ Berisha, për 11 majin:

Kreu i Partisë Demokratike, Sali Berisha, zhvilloi këtë të martë një deklaratë për shtyp, ku vuri theksin te qëndrimi i opozitës mbi zgjedhjet parlamentare të 11 majit. Në fjalën e tij nga selia e PD-së, Berisha tha se në këto zgjedhje u shkelën parimet më themelore të lirisë së individit, ku përfshihet edhe liria e votimit, që janë pjesë e Kushtetutës së vendit dhe Kodit Zgjedhor.

Berisha tha se më 11 maj u përmbysën të gjitha liritë, përmes miklimeve, influencës e deri te kërcënimet.

Berisha shtoi se kontrolli i vullnetit të zgjedhësve ishte i shumëformshëm dhe i përhapur në mbarë vendin.

“Në këto zgjedhje u shkelën parimet më themelore që ka firmosur vendi në dokumentin e Kopenhagës. Shqipëria i ka nënshkruar këto parime në Kushtetutën e vendit dhe në Kodin Zgjedhor. Ajo që ka ndodhur më 11 maj dhe të gjithë periudhën pararendëse për zgjedhjet e 11 majit është përmbysje e plotë e parimeve më themelore e zgjedhjeve të lira që kërkojnë që zgjedhësit të shprehen lirshëm për përfaqësuesit në zgjedhje. Kontrolli i vullnetit të zgjedhësve ishte i shumëformshëm dhe i përhapur në mbarë vendin, nga miklimet, influencat deri te kërcënimet. Pra parimisht cilido që kërkon të ballafaqohet me të vërtetën duhet të shohë dokumentet ndërkombëtare”,-tha Berisha./CNA





Lajmet e fundit nga