web counter
LEXO PA REKLAMA!

SHKARKO APP

App Store
Google Play

E fundit!

x

Partitë që ngelën jashtë parlamentit/ Nga Euroatlantikët e Bashës, te “Djathtas për Zhvillim”

20 Maj 2025, 10:30, Politikë CNA

Partitë që ngelën jashtë parlamentit/ Nga

Në zgjedhjet e 11 majit garuan 11 subjekte politike, përfshirë këtu edhe koalicionet. Nga votat e numëruara është bërë edhe një tablo më e qartë se si u ndanë mandatet mes partive, ku PS mori 83 mandate, PD mori 50 mandate, 3 mandate i mori  PSD, dy mandate Partia Mundësia dhe nga një mandat secila, Nisma Shqipëria Bëhet dhe Lëvizja Bashkë.

Por në këto zgjedhje pati nga ato parti që morën vota të papërfillshme ose të pamjaftueshme për të marrë qoftë edhe një mandat deputeti.

Nga votat e numëruara deri më tani rezulton se Partia Koalicioni Euroatlantik i Lulzim Bashës ka mundur të marrë 19553 vota brenda vendit ose 1.39 %, 1301 jashtë vendit 0.65 % dhe në total 20854, 1.30 % vota. Me këto rezultate nuk ka mundur të marrë mandat edhe vetë Basha ish-kreu i demokratëve forcës më të madhe opozitare në vend.

Koalicioni Djathtas për Zhvillim ka mundur të marrë 5530 të votave brenda vendit ose 0.39 %, jashtë vendit 492 0.25 %, në total 6022, 0.37 %. Koalicioni i Dashamir Shehit dhe Enkelejd Alibeajt nuk ka mundur të marrë mandat, duke lënë dy ish-deputetët jashtë kuvendit.   

Partia Aleanca Kombëtare Shqiptare e historianes Elena Kocaqi ka marrë 2722 vota brenda vendit 0.19 %, 1065 jashtë vendit ose 0.53 %, në total 3787, 0.24%.

Lëvizja Atdheu e publicistit Kreshnik Osmani ka marrë 1989 vota brenda vendit 0.14 %, 266, 0.13 % jashtë vendit dhe në total 2255, 0.14 % vota.

Partia Aleanca Demokracia e Re e Edmond Stojkut ka marrë 1034, 0.07 % vota brenda vendit, 92, 0.05 % vota jashtë vendit, thënë ndryshe 1126, 0.07 % në total./ CNA





Lajmet e fundit nga