web counter
LEXO PA REKLAMA!

SHKARKO APP

App Store
Google Play

E fundit!

x

“Vetingu legalizoi kontratën mes burrit dhe vëllezërve të Irena Gjokës”/ Malltezi: Prokuroria dhe KLGJ luajnë kungulleshkash

2 Qershor 2025, 12:21, Politikë CNA
“Vetingu legalizoi kontratën mes burrit dhe vëllezërve
Jamarbër Malltezi

Jamarbër Malltezi ka akuzuar Prokurorinë e Përgjithshme dhe KLGJ-në se po luajnë kungulleshkash në lidhje me kontratën e legalizuar nga vetingu të burrit dhe vëllezërve të gjyqtares Irena Gjoka.

Sipas Malltezit, Prokuroria e Përgjithshme që ka 15 muaj që gjoja po heton për Irenën në Greqi, por nuk ka konkluduar, ndërsa KLGJ që e ka me ligj të vendosë brenda 15 ditësh thotë që duhet konfirmim nga Prokuroria e Përgjithshme, ndërkohë që vendimi ka vulë apostile nga Gjykata e Janinës.

Ai e ka quajtur këtë një dështim total të çdo zyre shtetërore.

“Dështim total i çdo zyre shteti: vetingu që legalizon kontratën mes burrit dhe vëllezërve të Irena Gjokës që citon nenet 801-825 të Kodit Civil kur asokohe Kodi Civil kishte veç 254 nene! Prokuroria e Përgjithshme që ka 15 muaj që gjoja po heton për Irenën në Greqi, por nuk ka konkluduar. KLGJ që e ka me ligj të vendosë brenda 15 ditësh, por luan kungulleshkash e thotë që duhet konfirmim nga Prokuroria e Përgjithshme, ndërkohë që vendimi ka vulë apostile nga Gjykata e Janinës. Dhe Prokuroria e Përgjithshme që pret që Ulsi Manja të komunikojë, por që ata ia çojne Gjykatës së Athinës në vend të Janinës”, u shpreh Malltezi./ CNA





Lajmet e fundit nga