web counter
LEXO PA REKLAMA!

SHKARKO APP

App Store
Google Play

E fundit!

x

“KQZ të na thotë ku janë 130 mijë fletëvotimet e humbura”/ Kaso: PD nuk akuzon, duam përgjigje

2 Qershor 2025, 21:42, Politikë CNA

“KQZ të na thotë ku janë 130 mijë fletëvotimet e

Sekretari për çështjet ligjore në Partinë Demokratike, Ivi Kaso tha sot se kërkesa e PD-së për nisjen e hetimit administrativ nga KQZ për humbjen e 130 mijë fletëve të votimit, bazohet në të dhënat zyrtare nga procesverbalet e KQZ-së.

I ftuar në emisionin “Log.”, Kaso u shpreh se përgjigjia e KQZ-së për këtë çështje ishte e bërë gati, pasi u tha se janë bërë gabime.

Sipas Kasos, PD nuk hedh akuza ndaj KQZ-së, por kërkon përgjigje se ku janë këto fletëvotime bazuar në procesverbalet që janë dhënë.

“Një përgjigje që kishte bërë gati KQZ, thotë se janë bërë gabime. Ne kemi parë deri tani gabime, por në shumën 130 mijë fletë skam parë deri më sot. Nëse fletët nuk dalin, duhet të japin përgjigje ku janë.

Nuk dihet se ca ka ndodhur por llogjika më e thjeshtë është se ato fletë mund të jenë zëvendësuar. Kemi provën se kemi vendimin e KQZ që janë prodhuar 3 milionë e 534 mijë e 792.

Janë gjetur 1 milion  463 mije e 204 në kutitë e votimit, janë deklaruar të papërdorura 1 milion e 935 mijë e 834, 5 mijë janë të dëmtuara mungojnë 130 mijë e 754. Ne nuk akuzojmë por themi nga procesverbalet që na keni dhënë gjejeni ju ku janë. Teprica e fletëve që kanë ngelur janë më pak se teprica që duhet të mbetej. Ka disa fletë që janë as të përdorura as të pa përdorura”,-tha Kaso./CNA

 





Lajmet e fundit nga