web counter
LEXO PA REKLAMA!

SHKARKO APP

App Store
Google Play

Misioni faktmbledhës/ Vokshi: Rezolutë dhe në Parlamentin Europian

3 Qershor 2025, 21:48, Politikë CNA

Misioni faktmbledhës/ Vokshi: Rezolutë dhe në Parlamentin

Deputetja e Partisë Demokratike, Albana Vokshi në një lidhje live në emisionin “A Show” ka folur për asamblenë e PPE ku është e pranishme së bashku me kryedemokratin Berisha.

Vokshi u ndal te misioni faktmbledhës, për të cilin tha se do të përpilojë një raport që do i paraqitet më pas PPE-së.

Më tej, Vokshi deklaroi PPE pas paraqitjes së raportit mund të hgartojë një rezolutë për t’ua paraqitur deri në Parlamentin Europian.

 

“Forcimi i karteleve të drogës dhe organizatave, dhe mbështetja që u ka dhënë Edi Rama, të cilin në këmbim e kanë ndihmuar për të fituar zgjedhjet, ky rrezik tashmë është kthyer në një rrezik edhe për Europën.

Influenca e krimit në Shqipëri, të forcimit të karteleve të drogës dhe grupeve kriminale, që më së shumti e kemi ndjerë në këto zgjedhje se sa, në zgjedhjet e tjera, ka ngritur alarmin edhe në Europë dhe Parlamentin Europian.

Ne sot kemi pasur takime të shumta dhe nesër do të vijojmë takimet, jo vetëm me PPE-në, por edhe me grupe të tjera në Parlamentin Europian.

Kur ua tregon europarlamentarëve, drejtuesve të institucioneve të ndryshme, apo dhe miqve tanë në Europë atë që ka ndodhur në Shqipëri në këto zgjedhje, është krejtësisht e pabesueshme, krejtësisht e papranueshme.

Ndaj pas kërkesës së kryetarit të PD, Sali Berisha i cili shpjegoi se si, janë blerë votat, duke keqpërdorur paratë e taksapaguesve shqiptarë nëpërmjet bonueseve të pensionistëve, ndërmjet 138 licencave të kanabisit, dmth drogë për vota.

Disponojmë mijëra fakte, dosje të tëra, foto, video, dëshmitarë, sigurisht dhe pranimi nga ana e PPE-së e kërkesës së kryetarit të PD-së, Sali Berisha ishte i menjëhershëm. Ai u tha që, të sjellin një mision dhe të shikojnë të gjitha faktet, të takojnë të gjithë faktorët në Shqipëri dhe në fund të misionit të përpilohet një raport që i paraqitet PPE-së, e cila sigurisht duke pasur këtë raport, mund të bëjë një rezolutë për të ua paraqitur jo vetëm kongresit apo asamblesë së PPE-së, por për ta shtyrë edhe më tej në Parlamentin Europian”, tha Vokshi./ CNA





Lajmet e fundit nga