web counter
LEXO PA REKLAMA!

SHKARKO APP

App Store
Google Play

Ministri Hoxha pret ambasadorin e Spanjës, propozime për thellimin e bashkëpunimit në fushën e sigurisë

3 Qershor 2025, 16:16, Politikë CNA

Ministri Hoxha pret ambasadorin e Spanjës, propozime për thellimin e

Ministri i Brendshëm, Ervin Hoxha, priti në një takim ambasadorin e Mbretërisë së Spanjës në Tiranë, Gabriel Cremades Ventura, me të cilin bisedoi rreth thellimit të bashkëpunimit dypalësh në fushën e sigurisë dhe çështjeve të brendshme. Ministri Hoxha vuri në dukje kontributet e Spanjës në rritjen e kapaciteteve të Policisë së Shtetit dhe Institutit të Policisë Shkencore.

Në takim u vlerësua intensiteti i shkëmbimit të informacionit, hetimet dhe operacionet e përbashkëta mes strukturave përkatëse të dy vendeve. Një çështje tjetër, që u pa me interes, ishte propozimi për bashkëpunim mes Akademisë së Sigurisë dhe Shkollës Kombëtare të Policisë së Spanjës, e cila mund të krijojë një urë të re shkëmbimi në fushën e arsimit policor.

"Marrëdhëniet mes Shqipërisë dhe Spanjës janë të konsoliduara dhe ndërtohen mbi vlera të përbashkëta, me fokus forcimin e bashkëpunimit në luftën kundër krimit të organizuar, trafiqeve të paligjshme dhe pastrimit të parave", shkruan ministri në rrjete sociale pas bisedës./ CNA





Lajmet e fundit nga