web counter
LEXO PA REKLAMA!

SHKARKO APP

App Store
Google Play

E fundit!

x

Ankimimi i rezultatit në KAS/ Kalaja: Po shkoj drejt fitores

3 Qershor 2025, 21:36, Politikë CNA

Ankimimi i rezultatit në KAS/ Kalaja: Po shkoj drejt fitores

Kandidati për deputet i koalicionit “PD-ASHM”,  Aulon Kalaja në një dalje televizive ka folur për ankimimin e bërë në KAS për rezultatet zgjedhore në qarkun e Durrësit.

Kalaja tha se po shkon drejt fitores, pasi nesër do të hapen kutitë që ai ka kërkuar të shohë votat e tij.

Më tej, ai ka thënë se ka kërkuar të shohë votat në emër të tij dhe jo në emër të subjektit politik.

Gjithashtu Kalaja ka përshëndetur dhe qëndrimin e KAS, të cilin e quajti shumë të mirë.

“I gjithë debati është midis legjitimitetit të kandidatit dhe subjektit politik. Unë e përshëndes KAS se ka mbajtur qëndrim shumë të mirë, unë po shkoj drejt fitores, drejt hapjes së kutive nesër, sepse kam dhe një seancë tjetër të fundit nesër.

KAS i ka rrëzuar kandidatët e tjerë të PD sepse nuk i legjitimonte dot si kandidatë, sepse këta të rrahin e s’të lënë me qa. Unë kam të drejtë të shoh votat e mia, unë i shoh votat në emër të Aulonit dhe jo subjektit politik.

E mbështes PD, sepse beteja e saj është për transparencë. Nga hapja e kutive në Durrës do të dalin faktet si janë vjedhur votat dhe janë trafikuar. Jo vetëm brenda llojit kam parë dhe vota që i janë kaluar PS si vota të pavlefshme”, tha Kalaja./ CNA





Lajmet e fundit nga