web counter
LEXO PA REKLAMA!

SHKARKO APP

App Store
Google Play

E fundit!

x

“Rruga drejt BE-së kalon nga zgjedhjet e lira”/ Berisha me delegacionin e PD-së takojnë eurodeputetin Kols

4 Qershor 2025, 12:09, Politikë CNA

“Rruga drejt BE-së kalon nga zgjedhjet e lira”/ Berisha me

Një delegacion i nivelit të lartë nga Partia Demokratike e Shqipërisë, i kryesuar nga kreu i PD-së, Sali Berisha, zhvilloi një takim me z. Rihards Kols, anëtar i Parlamentit Europian nga Grupi ECR dhe pjesë e Komisionit të Punëve të Jashtme.

Gjatë takimit, Berisha paraqiti një panoramë të qartë dhe tronditëse mbi situatën dramatike të demokracisë në Shqipëri, me theks të veçantë te zhvillimet para, përgjatë dhe pas zgjedhjeve parlamentare të 11 majit 2025. Ai denoncoi përqendrimin ekstrem të pushtetit në duart e kryeministrit Edi Rama, duke theksuar se të gjithë liderët kryesorë të opozitës janë arrestuar, ndjekur penalisht apo përballen me akuza politike, në një klimë represive dhe të paprecedentë për një vend kandidat për anëtarësim në Bashkimin Europian.

Berisha theksoi se zgjedhjet e 11 majit nuk ishin vetëm një shkelje e thellë e parimeve demokratike dhe Kodit Zgjedhor, por një farsë e plotë elektorale, e zhvilluar nën kushte terrori politik, keqpërdorimi të institucioneve dhe ndërhyrjeje kriminale.

Nga ana e tij, eurodeputeti Rihards Kols u shpreh i mirinformuar për zhvillimet në Shqipëri dhe shfaqi interes për ndjekjen e problematikave të cilat kapërcejnë kufijtë e Shqipërisë, si nëpërmjet pyetjeve për Komisioneret e KE ashtu edhe ngritjes së një komisioni në Shqipëri për të vlerësuar drejtpërdrejt situatën në Shqipëri.

Në takim u theksua se rruga e Shqipërisë drejt Bashkimit Europian nuk mund të ecë përpara pa rikthimin e standardeve demokratike, garantimin e zgjedhjeve të lira dhe të ndershme dhe ndarjen e pushteteve si themel i një sistemi funksional demokratik./CNA





Lajmet e fundit nga