web counter
LEXO PA REKLAMA!

SHKARKO APP

E fundit!

x

“Riparim pa ndërhyrë në strukturën ekzistuese”/ Balluku inspekton punimet në Urën e Bahçallëkut

4 Qershor 2025, 13:01, Politikë CNA

“Riparim pa ndërhyrë në strukturën ekzistuese”/

Ministrja e Energjisë dhe Infrastrukturës, Belinda Balluku, ndodhet këtë të mërkurë në Shkodër, ku po zhvillon inspektim në kantierin e rrugës “Kthesa e Bërdicës-Ura e Bahçallëkut”.

Në fjalën e saj, gjatë inspektimit me inxhinierët dhe punonjësit e këtij projekti të infrastrukturës, Balluku theksoi se veçanti e këtij projekti është përmirësimi i Urës së Bahçallëkut përmes riparimeve të vogla, pa ndërhyrë në strukturën ekzistuese.

Balluku tha se veç këtij punimi, po ndiqet edhe një plan më i gjerë për urbanizimin e zonës.

“Jemi në kantierin e urës së re të Bahçallëkut, që zëvendëson urën që kemi sot, por që nga ana tjetër fillon edhe një zgjerim i kësaj rruge drejt qytetit të Shkodrës duke nisur nga Bërdica.

Rrugë prej 1600 metrash për hyrjen e Shkodrës dhe me dublimin e urës ekzistuese, që ka një gjatësi prej 180 metra linear, ka dy korsi kalimi.

Nuk preket ura ekzistuese dhe ndërtojmë një urë paralele, e cila do të shërbejë si një nga krahët e rrugës. Nuk do të vihet dorë mbi atë punim, por do të bëhen disa riparime të vogla për ta forcuar, por pa e prekur atë. Do të bëhet edhe urbanizimi përmes mobilimit urban, me trotuare, ndriçim dhe zona të gjelbëruara”,-tha Balluku./CNA

“Riparim pa ndërhyrë në strukturën ekzistuese”/





Lajmet e fundit nga