web counter
LEXO PA REKLAMA!

SHKARKO APP

App Store
Google Play

E fundit!

x

Braçe bën opozitarin/ Kritika për ministret e Ramës

5 Qershor 2025, 12:07, Politikë CNA

Braçe bën opozitarin/ Kritika për ministret e Ramës

Deputeti i PS Erion Braçe ka folur për rendin e ditës në Kuvend për mbrojtjen e bletëve dhe biodiversitetit.

Braçe gjatë fjalës së tij pati kritika për dy ministret e Ramës, Mirela Kumbaron dhe Anila Denajn.

Deputeti u shpreh se asnjë nga institucionet nuk merret me këtë çështje, as Ministria e Bujqësisë, përfshi ministrinë e Mjedisit, përfshirë edhe Kuvendin e Republikës së Shqipërisë për mënyrën sesi mbrohet biodiversiteti.

"Patjetër që duhet të jetë një çështje që na shqetëson pikërisht për këtë çështje. Javën që shkoi ishte dita botërore e bletëve, duket si një gjë pa rëndësi dhe disa i konsiderojnë insekte. Po pse ikën mo Agron? Është shumë e rëndësishme, ti ishe dhe shumë i nxehur. Ushqimi po krijon tension në çdo vend të botës dhe për shkak të klimës. Thënë këtë, doja t’ju ftoja të flasim për këtë. Ta harrojmë faktin për zgjedhjet kemi dalë mirë apo keq. Në zgjedhje pa ngrënë nuk shkohet dhe pa pirë nuk shkohet. Do flasë njeri për ushqimin tonë.

Duhet t’i rikthemi kësaj gjëje. Ka njerëz që dalin keq dhe heshtin, ka nga ata që dalin keq dhe bërtasin. Sa bletë kemi humbur! Ajo që në fund fare sjell një provim. Asnjë nga institucionet tona nuk merret me këtë çështje, as Ministria e Bujqësisë, përfshi ministrinë e Mjedisit, përfshirë edhe Kuvendin e Republikës së Shqipërisë për mënyrën sesi mbrohet biodiversiteti.

Në fund të muajit mars, rezervat në Mesdhe kanë rënë. Këtu flasin për Portin e Durrësit, ndërkohë që porti mund të mbetet pa asgjë nesër. Siç te njerëzit, klima po ndikon. Kujtohemi kur shkojmë te zgjedhësit. Ne i kemi dhënë prioritet Vjosës brenda territorit tonë, por duhet ta mbrojmë edhe nga jashtë. Edhe lumenjtë janë problem. Sfida më e madhe do jenë burimet ujore.

Të jetosh në 40-50 gradë dhe s’merr asnjë masë, më thoni ju lutem çfarë kuptimi ka politika? Unë mendoj më mirë për bletët sesa për portin. Unë ftoj Kuvendin e Shqipërisë që të mendojë për zjarret. Kjo është një kohë që kërkon vëmendje", deklaroi Braçe./ CNA





Lajmet e fundit nga