web counter
LEXO PA REKLAMA!

SHKARKO APP

App Store
Google Play

Balluku inspekton qendrën e monitorimit dhe operimit të Tunelit të Llogarasë

9 Qershor 2025, 16:50, Politikë CNA

Balluku inspekton qendrën e monitorimit dhe operimit të Tunelit

Ministrja e Infrastrukturës dhe Energjisë, Belinda Balluku vizitoi sot nga afër qendrën e monitorimit dhe operimit të tunelit të Llogarasë.

Në fjalën e saj, Balluku theksoi se sinjalistika është e plotë dhe duhet respektuar, për të shmangur rastet e thyerjes së Kodit Rrugor.

Balluku vuri në pah edhe rëndësinë e kushteve të punës në qendrën e monitorimit.

 “Këtu fillon gjithçka, e dua të bëj disa njoftime. Nga ana tjetër, duhet të them që është shumë e rëndësishme, që gjithë drejtuesit e automjeteve të kuptojnë që janë të monitoruar. Javën e fundit që kemi nisur operimet, e një herë nga e para, kemi pasur raste të thyerjes së Kodit Rrugor, që duhet evidentuar në tunelin e Llogarasë. Në tunele nuk ka parakalime. Sinjalistika është e plotë dhe duhet respektuar.

Do ju tregojmë kamerat, sepse duhet të dini që gjithçka është e regjistruar. Duke qenë e regjistruar, Policia Rrugore ka çdo file nga çdo minutë i operimit të tunelit. Detyrimisht, të gjithë ata që kanë shkelur limitin e shpejtësisë, të gjithë ata që kanë shkelur rregullat e sigurisë rrugore, duhet të dinë që do përballen me Policinë Rrugore, e cila padyshim do të marrë masat e duhura. Nëse nuk ju kanë ndaluar, nuk do të thotë se nuk do të vijë një gjobë apo një penalizmi për sa i përket lejes së drejtimit.

Ambientet e punës janë shumë të rëndësishme, aty ku po zhvillohen të gjitha proceset tona. Është shumë e rëndësishme për ne, që djemtë e vajzat që punojnë nëpër Shqipëri, në të gjitha këto qendra inovative mbi të gjitha, të jenë komodë. Të kenë kushtet sipas kritereve të Bashkimit Evropian, për të kërkuar më pas ne rendimentin e lartë në punë”,-tha Balluku./CNA

 

 

 





Lajmet e fundit nga