web counter
LEXO PA REKLAMA!

SHKARKO APP

App Store
Google Play

Zgjedhjet e 11 majit/ Denoncimi i PD: Presidenca dhe Shkolla e Magjistraturës në funksion të PS

7 Qershor 2025, 11:04, Politikë CNA

Zgjedhjet e 11 majit/ Denoncimi i PD: Presidenca dhe Shkolla e

Zëdhënësja Antikorrupsion në PD, Genta Vangjeli në një deklaratë për mediat ka deklaruar se institucionet e Presidencës  dhe Shkollës së Magjistraturës kanë ndërhyrë në procesin zgjedhor të 11 majit.

Vangjeli tha se Presidenca i vuri në dispozicion mazhorancës kabinetin e presidentit të Republikës.

Ndërsa sa i përket Shkollës së Magjistraturës, Vangjeli tha se ka vënë studentët e saj në dispozicion të Partisë Socialiste, duke u caktuar si përfaqësues në KQZ.

 

Deklarata e Vangjelit

Presidenca vendosi në dispozicion të partisë – shtet kabinetin e Presidentit të Republikës së Shqipërisë.

Zgjedhjet e 11 majit/ Denoncimi i PD: Presidenca dhe Shkolla e

Kjo ishte arsyeja që në datën 30 Maj, Grupi Parlamentar i PD paraqiti kërkesën e tij drejtuar Presidentit për mosndërhyrje të Institucionit të Presidentit të Republikës në procesin zgjedhor dhe ruajtjen e neutralitetit politik nga ana e këtij institucioni.

Kjo kërkesë lidhej me emrin e Ilirjan Rusmali, pjesë e kabinetit të Presidentit Begaj, i cili mban njëherazi detyrën e anëtarit të Komisionit të Ankimimeve dhe Sanksioneve, duke sjellë si pasojë shkeljen e dispozitave ligjore nëpërmjet cenimit të parimit të  neutralitetit politik dhe përfaqësimit të unitetit të popullit.

Zgjedhjet e 11 majit/ Denoncimi i PD: Presidenca dhe Shkolla e

Përjashtimi i Rusmalit nga shqyrtimi i kërkesës ankimore, ka qenë objekti i kërkesës së PD -ASHM në datën 2 Qershor duke arsyetuar sjelljen dhe vendimmarrjet e tij në cilësinë e anëtarit të KAS-it haptazi kundër palës ankuese, subjektit zgjedhor ‘Partia Demokratike – Aleanca për Shqipërinë Madhështore’, dhe përfaqësuesve të saj ligjor, duke krijuar arsye serioze për njëanshmëri, në mbështetje të nenit 42, pika 2, të Kushtetutës, nenit 6, pika 1, të Konventës Evropiane për të Drejtat e Njeriut, nenit 30 të Kodit të Procedurave Administrative, si dhe nenit 135 të Kodit Zgjedhor.

Kërkesa e mësipërme sigurisht u rrëzua nga KAS duke mos pranuar përjashtimin e Rusmali?.

Zgjedhjet e 11 majit/ Denoncimi i PD: Presidenca dhe Shkolla e

Zgjedhjet e 11 majit/ Denoncimi i PD: Presidenca dhe Shkolla e

Nga ana tjetër, Shkolla e Magjistraturës ka vënë në dispozicion të Partisë studentët e saj, kështu kandidatja për gjyqtare sipas listës përfundimtare të publikuar në 13 Maj nga këshilli drejtues i shkollës së magjistraturës zonja Shila Vital Ballhysa, rezulton njëherësh përfaqësuese e PS  në KQZ (eksperte e komisionit të reformës zgjedhore për PS).  

Partia Demokratike kërkon me urgjencë nga Presidenti i Republikës dhe Shkolla e Magjistraturës të distancohen me veprime konkrete nga këto paligjshmëri në të kundërt, mosveprimi i tyre dëshmon se përzierja e PS  me strukturat që prezumohen të jenë të  paanshme në vlerësimin e procesit zgjedhor sjell si pasojë vetëm farsa elektorale si ajo e 11 Majit 2025, përshkruar më së miri në Raportin Paraprak të OSBE/ODIHR.





Lajmet e fundit nga