web counter
LEXO PA REKLAMA!

SHKARKO APP

“Farsa nuk njihet kurrë”/ Berisha: Faktet delegjitimojnë qeverinë e dalë nga zgjedhjet

9 Qershor 2025, 12:36, Politikë CNA

“Farsa nuk njihet kurrë”/ Berisha: Faktet delegjitimojnë

Kreu i PD-së, Sali Berisha, në një deklaratë për mediat ka publikuar videot që tregojnë blerjen e votave në Tiranë.

Ai u shpreh se faktet delegjitimojnë qeverinë e dalë nga zgjedhjet.

“Pra, siç e shihni, nuk mjaftuan 76 milionë euro të shpërndara publikisht. Nuk mjaftuan 200 milionë euro gjoba dhe kamata të falura. 500 milionë euro prokurime dhe koncesione.

Por kalojnë duke shpërndarë para nëpër qoshe për të blerë vota. Këto zgjedhje nuk njihen kurrë.

Këto zgjedhje janë farsë dhe nuk janë zgjedhje. Pra, kjo farsë nuk njihet kurrë.

Ndaj dhe ne paraqesim para medieve, para shqiptarëve dhe para komunitetit ndërkombëtar, fakte të pakundërshtueshme të farsës që delegjitimojnë plotësisht qeverinë e dalë nga zgjedhjet.

Ishte shumë demonstrues ky rast sepse është shumë e rrallë të kapësh ndarjen e parave. Por ja që është evident.

Këta janë të njohur si persona. Gjithçka është e identifikuar”, tha Berisha./ CNA





Lajmet e fundit nga