web counter
LEXO PA REKLAMA!

SHKARKO APP

App Store
Google Play

“11 maji tregoi se çfarë ndodh në qeverisjen Rama”/ Paloka: Zgjedhje vetëm me qeveri teknike

7 Qershor 2025, 17:59, Politikë CNA

“11 maji tregoi se çfarë ndodh në qeverisjen Rama”/

Deputeti i Partisë Demokratike, Edi Paloka tha sot se zgjedhjet e 11 majit sollën një konfirmim të asaj që po ndodh prej 12 vitesh në Shqipëri nën qeverisjen Rama.

I ftuar në një studio televizive, Paloka theksoi se qëndrimin e PD-së se vetëm me qeveri teknike pa Ramën mund të bëhen zgjedhje në Shqipëri.

Sipas tij, rikthimi dhe bashkimi i PD-së, marrja e simboleve, fitorja e Trump në SHBA dhe afrimi me administratën e tij krijuan një frymë që dhanë shpresë.

“Zgjedhjet e 11 majit sollën një konfirmim të asaj që po ndodh prej 12 vitesh në Shqipëri nën qeverisjen Rama, që ishte paralajmëruar prej nesh dhe jo vetëm prej nesh, të paktën në dy deklarata të partive popullore dhe atyre të qendrës së djathtë evropiane që përpara zgjedhjeve, që kishin bërë një analizë të të gjithë shkeljeve që kishin ndodhur paraprakisht. Pra, praktikisht nuk ka ndodhur gjë e re. E kam thënë unë që në krye të herës dhe jo vetëm unë, që me Ramën zgjedhje nuk mund të ketë. Nuk ndodh kurrë që do hysh në zgjedhje dhe të thuash do humb. Jo vetëm për militantët, por ishin disa faktorë që na dhanë shpresë, faktorë që nuk lidhej me atë çfarë do të bënte Rama. Vetëm qeveri teknike pa Ramën mund të bëhen zgjedhje në Shqipëri. Ajo çfarë ndryshoi ishte situata e brendshme te PD, sepse erdhëm nga një situatë para shkatërrimit. Rikthimi dhe bashkimi i PD, marrja e simboleve, fitorja e Trump në SHBA dhe afrimi me administratën e tij krijuan një frymë që dhanë shpresë”,-tha Paloka./CNA





Lajmet e fundit nga