web counter
LEXO PA REKLAMA!

SHKARKO APP

App Store
Google Play

"I bën zgjedhjet tërësisht të pavlefshme"/ Berisha publikon videon e "trenit bullgar"

10 Qershor 2025, 13:10, Politikë CNA

"I bën zgjedhjet tërësisht të pavlefshme"/ Berisha

Kryedemokrati Sali Berisha, në një konferencë me gazetarët, ka shfaqur një video, në të cilën tha se ishte përdorur metoda e "trenit bullgar" për manipulimin e zgjedhjeve.

Berisha tregoi se personi që shfaqej në video merr fletën e votimit, e vulos dhe më pas ia jep një personi tjetër jashtë qendrës së votimit.

Kryedemokrati tha se përdorimi i "trenit bullgar" i bën zgjedhjet tërësisht të pavlefshme.

 

“Tani, siç paralajmërova, në farsën elektorale të 11 majit u përdorën të gjitha metodat për manipulimin e zgjedhjeve, njëra prej të cilave përdoret gjerësisht nga Putini dhe Lukashenko dhe njihet me emrin e 'trenit bullgar'. Me të drejtë dje, një gazetare pyeti këtu se ku është treni.

Unë sot kam sjellë 'trenin bullgar' para jush dhe qytetarëve shqiptarë. Ju do shihni se si kriminelë elektoralë brenda qendrës elektorale realizojnë atë mekanizëm manipulimi që quhet 'tren bullgar', që i bën zgjedhjet tërësisht të pavlefshme, që kontrollon tërësisht vullnetin e qytetarëve. Këta janë një grup kriminal brenda qendrës së votimit, komisionerë të partisë së krimit. Qendra e votimit është në një kafene, shikojeni...

Ja fleta e votimit... Ja, merr vulën e vulos fletën e votimit. Si në filma, sikur ta kishin xhiruar. Tani vjen me vulën e dytë këtu. E vulos. Tani po fsheh krimin. E fut në banak poshtë fletën e votimit. Me gjakftohtësi të paparë. Është po ky... tani e nxjerr fletën e votimit, do ta çojë në destinacion. Shikojeni, ia dha tjetrit jashtë qendrës. Edhe njëherë, aty po voton ai”, tha Berisha./ CNA

 

 







Lajmet e fundit nga