web counter
LEXO PA REKLAMA!

SHKARKO APP

App Store
Google Play

E fundit!

x

Gjykata i rrëzon padinë pas 7 vitesh/ Rama "shuplakë" gjyqtares, tallet me Lulin

12 Qershor 2025, 15:35, Politikë CNA

Gjykata i rrëzon padinë pas 7 vitesh/ Rama "shuplakë"

Gjykatës së Tiranës i janë dashur plot 7 vite që të vendosë të rrëzojë padinë e kryeministrit Edi Rama për shpifje ndaj Luli Bashës.

Përmes një reagimi Rama është shprehur se gjyqtarja e çështjes ka nivelin logjik nën kapacitetin e një 12-vjeçari.

Kryeministri thekson se pas 7 vjetësh gjyqtarja ka dalë në konkluzionin se, si paditës s’ka pësuar ndonjë dëm, pasi dhe aktualisht mban detyrën e kryeministrit, ndaj dhe shpifja e Lulit nuk ka ndikuar në perceptimin ndaj tij në publik.

Rama nënvizon se halli nuk është farë çfarë bëri një gjykatëse me një çështje për shpifje, aq më tepër kur shpifësin në fjalë, duke iu referuar Lulit, se marrin më seriozisht as këpucët pa lidhëse që vesh, por sipas kryeministrit hall është se si priten të shqyrtohen çështje edhe më shumë të rëndësishme që varen nga mendja e gjykatëses që ka dhënë vendimin për Lulin.

“Gjykata e Shkallës Parë Tiranë sot ka hedhur poshtë padinë time për shpifje ndaj Lulit në vitin 2018, për të cilën gjykatëses i janë dashur shtatë vjet që të dalë në konkluzionin se, unë “si paditës s’kam pësuar ndonjë dëm, pasi dhe aktualisht mbaj detyrën e kryeministrit dhe deklarata”, pra shpifja e Lulit “nuk ka ndikuar në perceptimin ndaj meje në publik”!!!

Pra sipas gjykatëses, Luli s’ka shpifur përderisa shpifja e tij s’më ka larguar mua dot nga detyra!!!

Tani që ky arsyetim nuk ka dalë nga ndonjë libër humoristik, po nga një gjykatë dhe që arsyetuesi nuk është autori i “Ushtarit të mirë Shvejk”, po një gjykatëse që paguhet më shumë se sa një mësuese apo një mjeke nga taksat e shqiptarëve, ky është një fakt për të qarë e aspak për të qeshur - kur mendon pastaj edhe që kjo gjykatëse i përket Unionit që kërkon rritje page 700 Euro nga Gjykata Kushtetuese, qarja bëhet vajtim!

Ndërsa po t’i shtosh pastaj kësaj ngjarjeje satirike gjyqësore, dyshimin për se si mund t’i vejë halli të drejtës së njerëzve për çështje më të rëndësishme në duart e një gjykatëseje të tillë, atëherë të vjen të pyesësh: A do zgjohet nga gjumi qeveria e Gjyqësorit, me këshilltarët e inspektorët e lartë dhe qindra punonjësit e administratës së saj të aq mirëpaguar, për t’i kaluar në filtrin e përgjegjësisë së lartë publike bëmat dhe gjëmat me të cilat përballet e drejta e njerëzve të zakonshëm në sallat e gjyqeve?!

Dhe të kuptohemi mirë, halli nuk është farë çfarë bëri një gjykatëse me një çështje për shpifje, aq më tepër kur shpifësin në fjalë se marrin më seriozisht as këpucët pa lidhëse që vesh:-)

Këtu halli është si do u vejë halli çështjeve shumë më të rëndësishme të njerëzve, që varen nga mendja e gjykatëses në fjalë apo të tjerëve si ajo, të cilët e kanë nivelin logjik nën kapacitetin e një 12 vjeçari!!!”, shkruan Rama./ CNA





Lajmet e fundit nga