web counter
LEXO PA REKLAMA!

SHKARKO APP

App Store
Google Play

E fundit!

x

Teliti: Opozita kërkon zgjedhjen e një kryetari të ri për Bashkinë Tiranë

12 Qershor 2025, 17:31, Politikë CNA

Teliti: Opozita kërkon zgjedhjen e një kryetari të ri për

Nënkryetari i Këshillit Bashkiak të Tiranës, Dorian Teliti tha sot se këshilltarët opozitarë kanë kërkuar që me përfundimin e afatit tre mujor të mungesës së Veliajt në krye të detyrës, të mblidhet një seancë për të diskutuar fatin e kryetarit të bashkisë dhe për të kaluar më pas në një proces votimi.

I ftuar në një hapësirë televizive në ‘Syri Tv’, Teliti u shpreh se Bashkia e Tiranës prej pesë muajsh po drejtohet nga një person i cili nuk ka kaluar nëpërmjet votës së qytetarëve për të fituar besimin e tyre.

Teliti ngriti akuza se në këto 5 muaj kanë ndodhur shumë ndryshime brenda institucionit, pa marrë pa marrë një mandat nga publiku.

“Sot, Bashkia e Tiranës prej pesë muajsh po drejtohet nga një person i cili nuk ka kaluar nëpërmjet votës së qytetarëve për të fituar besimin e tyre.
Pavarësisht kundërshtimeve tona për zgjedhjet e vitit 2023, konkretisht për zgjedhjet e 14 majit, ku është faktuar se banda 5D bëri ligjin dhe mori votat për t’i dhënë Veliajt mandatin e tretë, Veliaj, pavarësisht këtij diskursi dhe situatës së kontestuar, përfundimisht u shpall kryetar i Bashkisë së Tiranës.

De jure, votat u blenë dhe ai nuk e meritonte mandatin e tretë, por po de jure, ai doli si kryetar i bashkisë.

Ndërkohë, zonja në fjalë, Anduela Ristani, nënkryetare e Bashkisë së Tiranës, është duke drejtuar Bashkinë pa qenë e votuar nga qytetarët e Tiranës. Ajo ka ndryshuar gjithçka nga brenda stafin, ekipet dhe strukturat pa marrë një mandat nga publiku.

Legjislacioni shqiptar e thotë qartë: nëse kryetari i bashkisë mungon për më shumë se 3 muaj, ekziston e drejta për ta shkarkuar atë nga detyra, duke i propozuar Këshillit të Ministrave kërkesën për shkarkim.

Ne, si këshilltarë opozitarë, kemi kërkuar që me përfundimin e afatit tre mujor të mungesës së z. Veliaj në krye të detyrës, Këshilli Bashkiak të mblidhet në një seancë për të diskutuar fatin e kryetarit të bashkisë dhe për të kaluar më pas në një proces votimi.
Që ta dimë ne dhe qytetarët e Tiranës, edhe nëse nuk duan ta shkarkojnë Erion Veliajn, të paktën qytetarët ta dinë se ky është qëndrimi zyrtar i Partisë Socialiste, jo të fshihen pas preteksteve të ndryshme.

Nuk është e mundur që, pas pesë muajsh, Tirana të menaxhohet nga një person që nuk është mandatuar për ta drejtuar.

Qëndrimi i mazhorancës ishte absurd. Na u tha, me zë dhe me figurë, që Këshilli Bashkiak nuk ka të drejtë të thërrasë kryetarin e bashkisë, t’i kërkojë llogari dhe të kalojë në votim. Ndërkohë që legjislacioni shqiptar e përcakton qartë se autoriteti përfaqësues i Bashkisë së Tiranës është Këshilli Bashkiak dhe jo kryetari i saj.

Detyra jonë është të trajtojmë çështjen dhe askush nuk na ndalon dot fjalën dhe të drejtën për të folur.

Atë mullirin dhe mbi këto gabime të mëdha që ndodhin në menaxhimin e Tiranës, veçanërisht në paligjshmërinë e zgjedhjes dhe ushtrimit të funksionit publik, e përsëris: kjo kryetare është e pavotuar.

Zonja Ristani, kryetarja e komanduar e Bashkisë së Tiranës, duhet të kishte ardhur dhe, në vijim të denoncimeve të bëra në emisionin Piranjat, të zhvillonte një diskutim publik për mënyrën se si po përdoren asetet e Bashkisë.
Kush i ka dhënë urdhrat për përdorimin e makinave nga persona të tjerë? Si janë shpërndarë asetet? Sepse, siç del nga investigimi, paskemi raste ku individë përdorin nga dy apo tre makina për arsye familjare”,-tha Teliti./CNA

 





Lajmet e fundit nga