web counter
LEXO PA REKLAMA!

SHKARKO APP

App Store
Google Play

"Sara Mila, princesha e burgut"/ Berisha: Shullazi ka detyruar të burgosurit të votojnë për PS-në

13 Qershor 2025, 13:15, Politikë CNA

"Sara Mila, princesha e burgut"/ Berisha: Shullazi ka detyruar të

Kryetari i Partisë Dmeokratike, Sali Berisha, në një konferencë për mediat, ka folur sërish për atë që e quan farsë elektorale, zgjedhjet e 11 majit.

Berisha tha se kandiatja e PS-së, Sara Mila, mori 92 vota në burgun e Elbasanit, nga 102 vota të vlefshme, pasi kontrollohet nga bandat.

Më tej Berisha u ndal edhe te ministri i Drejtësisë, Ulsi Manja, për të cilin tha se edhe ai kontrollohet nga bandat.

Kryedemokrati u shpreh se Manja i ka dorëzuar "313"-ën Emiljano Shullazit dhe ky i fundit ka detyruar të burgosurit të votojnë kandidatët e mazhorancës.

 

“Tani te farsa elektorale. E patë ju, ishte pajisur me dy fletë votimi.

Votues me dy fletë votimi. Revolja... e patë besoj, edhe njëherë pozën e fundit. Ja! Pra, një bandit që futet me gisht në revole.

Këtu tani keni një gjë tepër të veçantë. Është qendra e votimit të burgut të Elbasanit, në të cilën Sara Mile, famozja Sara Mile, është njeriu më i adhuruar në burgun e Elbasanit. A mund të imagjinoni ju, nga 102 vota të vlefshme, e adhuruara pafundësisht, Sara Mile, merr 92 vota. Sepse burgun e kontrollojnë totalisht ata që kontrollojnë Ulsiun dhe Ulsiun e kontrollojnë vetëm bandat. Shikojeni, princesha e burgut, Sara Mile, çfarë t’i themi. Po Osman, nuk ke çfarë t’i thuash, kurse Ulsiu i ngarkoi Shullazit '313'-ën dhe Shullazi nën terror ka detyruar, Mili i Partisë, të burgosurit të votojnë për kandidatin e partisë. Ja pra, këto ishin zgjedhjet, farsa.

Urdhëroni, princesha e burgut! Siç e shihni, në çdo aspekt, farsa nga alfa tek omega, procesi ishte farsë, farsë dhe vetëm farsë”, tha Berisha./CNA





Lajmet e fundit nga