web counter
LEXO PA REKLAMA!

SHKARKO APP

App Store
Google Play

E fundit!

x

“Nuk e themi vetëm ne, e thonë eurodeputetët”/ Noka: PS-ja ka futur parlamentin në gjendje destabiliteti

16 Qershor 2025, 15:21, Politikë CNA

“Nuk e themi vetëm ne, e thonë eurodeputetët”/ Noka:

Sekretari i Përgjithshëm i PD-së, Flamur Noka, foli sot gjatë seancës plenare në Kuvend, ku akuzoi mazhorancën se ka futur parlamentin në gjendje destabiliteti.

Në fjalën e tij para deputetëve, Noka tha se imazhi i vendit është dëmtuar edhe nga mazhoranca, që sipas tij është pasqyruar edhe në projektrezolutën e miratuar në Komisionin e Jashtëm të Parlamentit Europian.

Noka u ndal edhe te pjesa e rezolutës që përqendrohet në proceset zgedhore të 11 majit.

“Ju thoni se po dëmtojmë imazhin e Shqipërisë, por nuk jemi vetëm ne. Unë do t'u tregoj disa pika shqiptarëve sot, të projektrezoluta që është miratuar me unanimitet në Komisionin e Jashtëm të Parlamentit Europian pra, si nga e majta, ashtu edhe nga e djathta dhe që pritet të kalojë në seancë plenare brenda korrikut.

Pluralizmi është thelbësor. Sjellja juaj, zonjë, përbën një alarm dhe është në kundërshtim me parimet e pluralizmit.

Rezoluta bën thirrje për një dialog të mirëfilltë politik, me qëllim promovimin e stabilitetit dhe përparimit. Në vend të kësaj, ju e keni futur këtë parlament në një gjendje destabiliteti, duke mohuar çdo mundësi dialogu dhe duke e trajtuar kundërshtarin politik si armik. Këtë nuk e thotë Partia Demokratike, e thotë Parlamenti Europian.

Parlamenti Europian thekson në rezolutë nevojën për një mbikëqyrje efektive parlamentare mbi funksionimin e institucioneve. Këtu parlamenti, siç e dimë të gjithë, është shndërruar në një noter të verbër të çdo akti korruptiv apo kriminal të qeverisë. Sot, funksionon modeli i partisë-shtet, dhe parlamenti është kthyer në një vegël e partisë shtet.

E njëjta rezolutë ngre shqetësime serioze edhe për balancën e pushteteve. Sipas saj, partia-shtet ka eliminuar balancën mes pushteteve, duke i përqendruar të gjitha kompetencat në duart e qeverisë.

Rezoluta e Parlamenti Europian thekson se zgjedhjet u zhvilluan në një mjedis të thellësisht të polarizuar, ku garuesit nuk patën kushte të barabarta. Kjo dëshmon se shteti elektoral, krimi, kartelet, vendimet e Këshillit të Ministrave në kundërshtim me ligjin për blerjen e votës, ‘treni bullgar’, patronazhistët të gjitha këto krijuan një pabarazi të ulëritshme në këtë garë elektorale.

Nuk e themi vetëm ne, e thonë eurodeputetët…

Parlamenti Europian në këtë rezolutë shpreh shqetësimet se partia në pushtet, përfitoi nga përdorimi i gjerë i burimeve administrative. Thotë qartësisht se sulltan Surreli në Shqipëri ngriti një shtet elektoral në funksion të fitores, dhe të farsës dhe jo në funksion të qeverisjes. Ai u cakton karteleve portet, tenderë dhe koncensione ndërsa qytetarët e lirë, dhunohen si të ishin kriminelë”,-tha Noka./CNA





Lajmet e fundit nga