web counter
LEXO PA REKLAMA!

SHKARKO APP

App Store
Google Play

“Deputetët e opozitës nuk punojnë”/ Peleshi: Me apo pa PD-në, puna e Kuvendit do mbyllet me sukses

16 Qershor 2025, 16:48, Politikë CNA

“Deputetët e opozitës nuk punojnë”/ Peleshi: Me apo

Kryetari i grupit parlamentar të Partisë Socialiste, Niko Peleshi tha sot nga Kuvendi një kritikë ndaj deputetëve të opozitës, se nuk janë të pranishëm në komisionet parlamentare.

Gjatë fjalës së tij para deputetëve, Peleshi u shpreh se mazhoranca është e gatshme të dyfishojë numrin e projektligjeve, por për këtë nevojitet edhe punë nga opozita.

Peleshi shtoi se me apo pa PD-në, puna e Kuvendit do të mbyllet me sukses.

“Janë 20 akte për t’u miratuar. Parlamenti nuk fillon dhe mbaron në këtë foltore, por gjatë gjithë javës. Ju nuk jeni në komisione, pastaj kërkoni pse nuk futen nisma të tjera, projektligje. Kemi 20 projektakte, i bëjmë 40 po të doni, por duhet punë. Dikush duhet të punojë, të vijë në mbledhje, jo për kuorum, por për të marrë pjesë në procesin e projektakteve. Duhet ta dinë edhe qytetarët, ju nuk vini në komisione dhe në sa komisione që nuk krijohet kuorum, kjo vjen sepse shumë pak anëtarë të opozitës marrin pjesë nëpër komisione. Hajde t’i miratojmë projektaktet. Por, ne me apo pa ju do ta mbyllim me sukses këtë Kuvend për të filluar në shtator”, -tha Peleshi./CNA





Lajmet e fundit nga