Qeveria ratifikon marrëveshjen me BERZH për huanë e zhvillimit të gjelbër

19 Qershor 2025, 17:41, Politikë CNA

Qeveria ratifikon marrëveshjen me BERZH për huanë e zhvillimit

Këtë të enjte, datë 19 Qershor 2025, Qeveria Shqiptare miratoi dy projektligje në mbledhjen e Këshillit të Ministrave.

Sot u miratua ratifikimi i marrëveshjes me BERZH për financimin e zhvillimit të gjelbër dhe huasë së dytë për politikat e zhvillimit.

V E N D I M

PËR PROPOZIMIN E PROJEKTLIGJIT “PËR RATIFIKIMIN E MARRËVESHJES SË HUAS, NDËRMJET REPUBLIKËS SË SHQIPËRISË DHE BANKËS NDËRKOMBËTARE PËR RINDËRTIM DHE ZHVILLIM, PËR FINANCIMIN E PROGRAMIT “AFTËSIA RIPËRTËRITËSE DHE ZHVILLIMI I GJELBËR – HUA E DYTË PËR POLITIKAT E ZHVILLIMIT””

Në mbështetje të neneve 81, pika 1, e 100, të Kushtetutës, dhe të nenit 17, të ligjit nr.43/2016, “Për marrëveshjet ndërkombëtare në Republikën e Shqipërisë”, të ndryshuar, me propozimin e ministrit të Financave, Këshilli i Ministrave

V E N D O S I:

Propozimin e projektligjit “Për ratifikimin e marrëveshjes së huas, ndërmjet Republikës së Shqipërisë dhe Bankës Ndërkombëtare për Rindërtim dhe Zhvillim, për financimin e programit “Aftësia ripërtëritëse dhe zhvillimi i gjelbër – hua e dytë për politikat e zhvillimit””, për shqyrtim e miratim në Kuvendin e Republikës së Shqipërisë, sipas tekstit dhe relacionit, që i bashkëlidhen këtij vendimi.

P R O J E K T L I GJ

PËR RATIFIKIMIN E MARRËVESHJES SË HUAS, NDËRMJET REPUBLIKËS SË SHQIPËRISË DHE BANKËS NDËRKOMBËTARE PËR RINDËRTIM DHE ZHVILLIM, PËR FINANCIMIN E PROGRAMIT “AFTËSIA RIPËRTËRITËSE DHE ZHVILLIMI I GJELBËR – HUA E DYTË PËR POLITIKAT E ZHVILLIMIT”

Në mbështetje të neneve 78, 83, pika 1, dhe 121, pika 1, shkronja “ç”, të Kushtetutës, me propozimin e Këshillit të Ministrave, Kuvendi i Republikës së Shqipërisë

V E N D O S I:

Neni 1

Ratifikimin e marrëveshjes së huas, ndërmjet Republikës së Shqipërisë dhe Bankës Ndërkombëtare për Rindërtim dhe Zhvillim, për financimin e programit “Aftësia ripërtëritëse dhe zhvillimi i gjelbër – hua e dytë për politikat e zhvillimit”, sipas tekstit që i bashkëlidhet këtij ligji dhe është pjesë përbërëse e tij.

Neni 2

Ky ligj hyn në fuqi 15 ditë pas botimit në “Fletoren zyrtare”./CNA