web counter
LEXO PA REKLAMA!

SHKARKO APP

App Store
Google Play

E fundit!

x

“Pretendim absurd nga PD”/ Shehaj: Nuk ka ndryshim nga rinumërimi në Tiranë

19 Qershor 2025, 22:39, Politikë CNA

“Pretendim absurd nga PD”/ Shehaj: Nuk ka ndryshim nga

Kreu i Partisë Mundësia, Agron Shehaj u shpreh sot se nga procesi i deritanishëm i rinumërimit të votave për qarkun Tiranë, nuk ka një ndryshim të ndjeshëm, teksa përmendi shifrat e fundit nga ky proces.

I ftuar në emisionin ‘Log.’, Shehaj tha se një grup prej 30 vetësh po rrinë prej ditesh duke vëzhguar këtë proces, që sipas tij në rastin e PD-së është një pretendim absurd.

“Janë rinumëruar rreth 15% e të kutive në Tiranë. Diferenca shumë e vogël, nuk ka një ndryshim, I janë shtuar 70 vota PD, na janë hequr neve 3. Ne jemi të vëmendshëm sepse këtu ndodhin çudira. Sepse çfarë ndodh? Ndodh që bëhet rinumërimi, bëhet procesverbali, pastaj nuk shënohet se çfarë kanë parë në rinumërim, por rastësisht, nuk kam prova, në procesverbal ndryshojnë numrat, i shton votat PD dhe i hiqen Mundësisë. Ka ndodhur dy herë. Kjo na bën të jemi të vëmendshëm. Ne kemi një një grup prej 30 vetësh me të rinj e të reja që prej dy ditësh dhe do rrinë të paktën 3 javë, por që duhet të jenë të vëmendshëm sepse nuk dihet se çfarë mund të ndodhë. Pretendimin absurd të PD për mandatin e 14-të në Tiranë, duke ditur që diferenca me Mundësia është rreth 1300 vota, nuk e kuptoj. Nuk e di ku e bazojnë. Ata nuk kanë parë filmimet, ne po, dhe nuk na rezulton një gjë e tillë. Edhe tani që janë rinumëruar 15%, siç e shohim, nuk ka lëvizje të madhe, prandaj nuk e kuptoj nga vjen ky pretendim. Megjithatë, ne duhet të rrimë aty”,-tha Shehaj./CNA





Lajmet e fundit nga