web counter
LEXO PA REKLAMA!

SHKARKO APP

App Store
Google Play

E fundit!

x

“Gishti do të vendoset në plagë”/ Strazimiri: Ndërkombëtarët do japin vendim politik për situatën në Shqipëri

20 Qershor 2025, 17:12, Politikë CNA

“Gishti do të vendoset në plagë”/ Strazimiri:

Deputeti i zgjedhur i Partisë Demokratike, Genc Strazimiri tha sot se denoncimi i farsës elektorale nga PD në disa organizata e institucione ndërkombëtare, do të bëjë që raporti perfundimtar i tyre të theksojë ‘plagën’ e zgjedhjeve të 11 majit.

Në një intervistë për ‘Syri Tv’, Strazimiri u shpreh se kjo situatë nuk do te jetë më në dorë të burokratëve, por ka kaluar në nivele politike dhe do të ketë një vendim politik për situatën në Shqipëri.

“Evropa është shprehur edhe para zgjedhjeve përmes organizatave politike, ombrellave të djathta ndërkombëtare, përfshi edhe ato evropiane brenda saj. E kam fjalën për Partinë Popullore Evropiane që është mazhoranca në Parlamentin Evropian, është shprehur përmes raportit paraprak të gjetjeve të OSBE- ODIHR dhe në fakt është një  mision shumë më i gjerë se OSBE – ODIHR sepse është PE, KE dhe disa organizma të tjerë evropiane dhe që është shprehur qartë. Ashtu siç është shprehur edhe me rezolutën pas zgjedhjeve me kërkesën për të ndërmarrë një mision fakt mbledhës në Shqipëri nga PPE që më lejoni ta theksoj është mazhoranca drejtuese e PE. Dje ishte nje nga episodet më të fundme të faktit se Evropa sigurisht që është e interesuar për situatën në Shqipëri. Lajmi nga dita e djshme dhe me i fundmi nga lajmet që u përmenda, është fakti që kjo situatë në Shqipëri nuk do te jetë më në dorë të burokratëve që vetëm mbushin tonelata me letra duke thënë është bërë shumë por mbetet edhe shumë për tu bërë, por sigurisht që ka kaluar në nivele politike dhe do te ketë një vendim politik për situatën në Shqipëri. Gishti do të vendoset në plagë. Veçanërisht me diskutimet që u bënë dje dhe unë kam besim të plotë në autopsinë e këtyre zgjedhjeve se tashmë zgjedhjet janë të vdekura. Por autopsia do tu behët me mirë në raportin e fundit të vëzhguesve ndërkombëtarë”,-tha Strazimiri./CNA





Lajmet e fundit nga