web counter
LEXO PA REKLAMA!

SHKARKO APP

App Store
Google Play

E fundit!

x

“11 maji ishte abuzim i pushtetit”/ Himçi: I shkojmë deri në fund demaskimit të farsës elektorale

20 Qershor 2025, 19:16, Politikë CNA

“11 maji ishte abuzim i pushtetit”/ Himçi: I shkojmë

Deputeti i zgjedhur i Partisë Demokratike për Qarkun e Elbasanit, Blendi Himçi deklaroi sot se zgjedhjet e 11 majit nuk qenë një proces zgjedhor, por një formë abuzive nga ana pushtetit.

Në një intervistë në ‘Syri Tv’, Himçi tha se Partia Demokratike është e vendosur për t’i shkuar deri në fund demaskimit të farsës elektorale .

Himçi komentoi edhe proceset e ditëve të fundit lidhur me zgjedhjet dhe rishprehu kërkesën për rivlerësimin e kutive të votimit.

“Nuk jemi në kushtet e rinumërimit, jemi në kushtet e hapjes së kutive të materialeve, dhe rivlerësimit të fletëve të votimit. Sepse në aspektin procedural, është një çështje që rinumërimi i përket më tepër kërkesës së kandidatëve, ndërsa si subjekt PD ka kërkuar pavlefshmërinë e zgjedhjeve. Dhe mbi bazën e kësaj kërkese ne kemi kërkuar, hapjen e kutive të materialeve zgjedhore fillimisht, dhe rivlerësimin e kutive të fletëve të votimit. Faktikisht pjesa jonë ka qenë për dy bashkitë, për KZAZ 45 dhe 52, të Bashkisë Peqin dhe Gramsh. Këto pamjet filmike, të cilat na kanë shfaqur problematika serioze, në shkelje të hapur, të kodit zgjedhor. Ashtu siç e përmendën dhe juve format nga më të ndryshmet abuzive, ku vetëm proces votimi nuk ka qenë, dhe proces zgjedhjesh. Data 11 maj ka qenë një formë abuzive nga ana e pushtetit duke përdorur çdo formë instrumenti, qoftë administratën publike, qoftë policinë e shtetit, dhe çdo kënd nga organizatat kriminale, me synimin për të deformuar votën e qytetarëve. Padiskutim që ne do t’i shkojmë deri në fund kësaj situate, për të demaskuar këtë farsë zgjedhore, që ka ndodhur më 11 maj. Ditën e martë në kemi bërë çeljen e kutive të materialeve zgjedhore, por edhe të kutive të fletëve të votimit, dhe kemi konstatuar fletë votimi të cilat janë konsideruar të vlefshëm nga numëruesit, pa vula ose me një vulë që kanë qenë në favor të PS. Një fletë pa vulë është pikërisht nisja e procesit të trenit bullgar. Çka do të thotë që ajo fletë me vulë, ka kaluar në xhepin e parë të votuesit, është nxjerrë jashtë dhe është hedhur një fletë pa vulë. Po të shikosh videon komisioneri i PD i ofron fletën e votimit, ai nuk pranon që ta tërheqë fletën e votimit, merr komanda vetëm nga pjesa e komisionerëve të PS bën të gjithë procedurën e duhur, jep kartën e ID, vendos gishtin te pajisja PEI dhe në fund fare merr fletën e votimi e vendos sipër kutisë, nuk shkon fare në dhomën e fshehtë të votimit. Dhe fletën e votimit të vulosura me dy vula ja jep kryetarit të komisionit që është përfaqësues i PS, dhe e le aty dhe shkon largohet pa votuar. Domethënë një njeri që vjen për të votuar dhe që le fletën e votimit aty, do të thotë që ky njeri pa diskutim ka marrë diçka në këmbim që po bën këtë lloj sjelljeje. Kjo është një formë e një vote të manipuluar kur votuesi nuk shpreh vullnetin e tij, dhe ja dorëzon fletën e votimit të pasigluara kryetarit të komisionit”-tha Himçi./CNA





Lajmet e fundit nga