web counter
LEXO PA REKLAMA!

SHKARKO APP

App Store
Google Play

Mediu: Të merren masa ndaj rreziqeve nga konfliktet në Lindjen e Mesme

23 Qershor 2025, 21:41, Politikë CNA

Mediu: Të merren masa ndaj rreziqeve nga konfliktet në Lindjen e Mesme

Ish-ministri i Mbrojtjes, Fatmir Mediu tha sot se Shqipëria duhet të bëjë një analizë të koordinuar, që vjen si informacion nga burimet e inteligjencës, nga shërbimet partnere dhe institucionet shqiptare, për të parë rreziqet që na kërcënojnë dhe masat që duhen marrë nga zhvillimet më të fundit në Lindjen e Mesme.

I ftuar në një emision në ‘A2CNN’, Mediu u shpreh se Shqipëria, si një vend anëtar në NATO, duhet të ketë një strukturë analize të çështjeve të sigurisë në mënyrë periodike dhe permanente.

“Duhet që të bëjmë një analizë të koordinuar, që vjen si informacion nga burimet e inteligjencës, nga shërbimet partnere dhe institucionet shqiptare, për të parë se kush janë rreziqet që na kërcënojnë neve dhe masat që duhen marrë. Këshilli i Sigurisë Kombëtare ka të drejtë vetëm të këshillojë, por nuk mblidhet më as për të këshilluar. Është e papranueshme që një vend anëtar i NATO-s mos të ketë një strukturë analize të çështjeve të sigurisë në mënyrë periodike dhe permanente. Sidomos duke parë problemet në Ballkan, konflikti Rusi-Ukrainë dhe problemet në Lindjen e Mesme, ne duhet të bëjmë analizë periodike dhe jo të shikojmë televizionet amerikane dhe të themi se çfarë i pëlqen presidentit amerikan”- deklaroi Mediu./CNA





Lajmet e fundit nga