web counter
LEXO PA REKLAMA!

SHKARKO APP

App Store
Google Play

E fundit!

x

Përfaqësuesi i KAS: Po mbahet një qëndrim që vepron në mënyrë të barabartë për të gjithë kandidatët

24 Qershor 2025, 15:08, Politikë CNA

Përfaqësuesi i KAS: Po mbahet një qëndrim që vepron

Anëtari i KAS, Koli Bele, në një prononcim për mediat nga qendra e rinumërimit të votave për Tiranën, iu përgjigj disa pyetjeve të drejtuara nga gazetarët prezentë në ambientet e shkollës "Fahrie Hoti".

I pyetur nëse nga kutitë e rihapura deri më tani, konstatimi i votave të pamerituara në favor të partive dhe kandidatëve tregon gabim njerëzor apo krim zgjedhor, Bele shpjegoi se KAS po kryen vetëm procesin administrativ dhe nuk është organ hetimor.

“Procesi është i gjatë dhe deri diku i panatyrshëm se nuk është ndërtuar Kodi Zgjedhor që një trup me pesë vetë të zëvendësojë 11 KZAZ e Tiranës dhe disa qindra numërues që po zëvendësohen nga një administratë e KQZ-së. Janë numëruar gjysma e kutive dhe në këtë ritëm normal, ndoshta të shtunën ose maksimalisht të hënën do të kemi një përfundim të procesit. Duhet të kuptojmë se ky proces në vetvete nuk bën hetimin për kuti, por rinumërohen dhe dalin në një rezultat përfundimtar. Për të konkluduar nëse në një rast ka diferenca të mëdha apo jo qëllim kriminal, duhet hetuar në një proces tjetër. Ne nuk jemi duke hetuar kuti më kuti çfarë ka ndodhur. Numërohet, tabulohet dhe bëhet një rezultat përmbledhës”, - sqaroi përfaqësuesi i KAS.

Lidhur me kërkesën e PS-së drejtuar KAS-it se vota që janë të vlefshme janë konsideruar si të pavlefshme, Bele tha se nuk rezulton një gjë e tillë.

“Nuk më rezulton një gjë e tillë. Ky proces që administrohet ka ardhur nga 11 KZAZ, ku kriteret e vlerësimit sado që janë të sugjeruara nga manuali, rast pas rasti mund të ketë diferenca të vogla, që mund të përkthehet në ndryshimin e një vote. Por nëse mbahet një qëndrim i caktuar, ai vepron në mënyrë të barabartë për të gjithë kandidatët dhe nuk ka lëvizje masive të tilla. Subjektet në momente të caktuara kanë merakun dhe emocionet e tyre, mbajnë qëndrime të caktuara. S’mund të kënaqet çdo subjekt nga çdo vendimmarrje e jona. Ajo që garantojmë është që standardi është i njëjtë dhe është brenda kufijve të ligjit ”,-përfundoi përfaqësuesi i KAS-it./CNA





Lajmet e fundit nga