web counter
LEXO PA REKLAMA!

SHKARKO APP

App Store
Google Play

"Per Jorida"

5 Maj 2025, 15:25, Editorial CNA
"Per Jorida"
Jorida Tabaku

Është pozicionuar në listën e hapur të koalicionit për Shqipërinë madhështore, ndaj Jorida Tabaku pas 5 mandatesh në Kuvend më në fund u detyrua të hapë thesin.

Nga pozicioni i specialistes në Ministrinë e Financave, Jorida Tabaku një ditë të bukur u katapultua në postin e zëvendësministres së Integrimit.

Ka ende sot nëpunës në administratë, që kujtojnë se si pas 3 ditëve punë si zëvendësministre, Jorida nisi vizitat nëpër ministri ku filloi të trajnojë se ç'do të thotë proces integrimi, zyrtarë që kishin vite që merreshin me procesin e integrimit.

Kjo ka mbetur Jorida edhe sot. Mëson të tjerët për gjëra që ata i dinë prej kohësh.

Mandatin e ka pasur gjithmonë dhuratë sepse që ditën e parë i është bërë post në zonën e sigurt. Është kjo arsyeja që Jorida beson se ka dhënë kontribute të pamohueshme. Faji i atyte që zgjedhin për në listë Joridën e përsëri Joridën.

Nuk ka bërë kurrë fushata të vërteta, por kjo nuk e bën të mos ketë besim te vetja. Jorida është e bindur që Edi Rama ka frikë vetëm nga fjala e saj dhe këtë e thotë kudo me aq lirshmëri saqë të bind që ka filluar ta besojë edhe vetë.

Siç e deklaron edhe vetë, frymëzohet nga modeli "Vërsëllonja" në Kuvend. Erjon Braçja i duket modeli punëtor, (edhe ky pa asnjë ditë punë), dhe është pasqyra ku Jorida shihet.

Por prej 1 muaji vetë Jorida ka filluar të trajnohet për fushata të vërteta. Ato që të bëjnë të prekësh realitetin.

 

Dhe Jorida ka hapur thesin. Disa syresh!

Si fillim hapi thesin e shpenzimeve. Mbi 13.000 euro ka kushtuar vetëm reklamimi i vetes në rrjetin "Facebook". Nuk janë shumë për Joridën. Ajo e deklaron si fakt publik që nuk ka probleme për të siguruar një pagë deputeti dhe sa herë vjen fundi i mandatit sqaron që ajo nuk e ka problem mandatin se nuk ka hall se mbetet pa punë e pa financa. Shyqyr Zotit ka mbështetjen e familjes për këtë pjesë.

Po pse ka hapur edhe thesin e rrenave?

Pse po gënjen Jorida në këtë fushatë? Pse mandati i deputetit i duhet aq shumë saqë po mashtron këdo që ta mbështesë, sepse ajo do të jetë kandidate për kryetare e Bashkisë Tiranë?

Ky është "thashethemi" që po përhapet nga vetë Jorida nëpër Tiranë.

Sipas këtij thashethemi me burim Jorida Tabakun, ajo nuk po kërkon vota për deputete, por thjesht i duhet karrigia e deputetit sepse nga aty do të kandidojë për kryetare të Bashkisë Tiranë.

E njëjta Joridë që kur ishte deputete dhe e kanë pyetur a kishte ambicie për Bashkinë Tiranë, përgjigjej shpejt se ajo kishte vendin e vet dhe nuk kishte pse kandidonte për një vend tjetër. Dhe ikte me vrap që ta kuptonin se ishte opsion që as që duhet ta shkonin nëpër mend.

Kurse sot po kërkon vota për mandat deputeti, se ajo do të jetë kandididatja e ardhshne e Bashkisë Tiranë!

Kjo është Jorida!

I duhen votat me kalu lumin, pastaj të dhj*t me gjithë kalë.

Ka arritur të bindë edhe disa zyrtarë të Bashkisë Tiranë se duhet ta mbështesin "shefen" e ardhshme.

Së fundmi ka marrë me qira edhe ca platforma që shesin dysheqe. Nga ato platforma telefonike ca dysheqeshitës online këtë javë kanë gjetur një produkt të ri.

Kanë filluar të bezdisin qytetarët e Tiranës duke u ofruar për shitje Joridën.

Mos e blini të dashur qytetarë! Jorida është mall "fake"!/ CNA

 





Lajmet e fundit nga