Kur gërmon për qenin e ngordhur, por s’të lënë rehat as mizat

26 Qershor 2025, 11:41, Editorial Elvi FUNDO

Partia Demokratike ka filluar një maskaradë në KQZ dhe KAS. Kërkesa pas kërkesash, ushtrohet presion dhe kërkohet rinumërimi i votave. Në fakt, duket një maskaradë, sepse rinumërimi është bërë nga komisionerë të Partisë Demokratike.

Tashmë kur janë hapur qindra e mijëra vota në shumë KZAZ dhe qarqe duket se gabimi është 0.00000 hiç, nuk mund të quhet as gabim njerëzor, ajo e lëvizjes së një apo dy votave në 50 qendra votimi brenda llojit, pra midis kandidatëve të të njëjtit subjekt.

Farsa e rinumërimit dhe 200 mijë eurot e shqiptarëve në kosh
24 Qershor, 19:48

Jemi fiks përballë faktit se si PD-ja po kërkon qenin e saj të ngordhur, por duket se nuk i ka ngordhur qeni, i ka ngordhur kali dhe s’po e lënë rehat as mizat.

Mjafton të bëjmë një krahasim me një film shqiptar të kinostudios “Shqipëria e re”, me një kast të madh aktorësh, me ikonat e ekranit shqiptar si Bujar Lako, Sandër Prosi, Thimi Filipi, Stavri Shkurti, Jani Riza, dhjetëra aktorë të tjerë korçarë në role dytësore. Një film që ka një episod mjaft të bukur. Kur pushteti i ri “popullor” i diktaturës shkonte te “kulakët” dhe kërkonte që t’i jepnin grurin falas që të ushqehej populli, një moment i madhi Kadri Roshi i drejtohet Stavri Shkurtit në rolin e Tares, i cili me një lopatë po gërmonte diku për të gjetur grurin e fshehur, dhe i thotë: “Gërmo Tare gërmo, aty kam qenin e ngordhur unë”.

Kur gërmon për qenin e ngordhur, por s’të lënë

Kadri Roshi në filmin "Përballimi"

Aktori Stavri Shkurti në rolin e Tares

Në fakt, nëse opozita do të kërkonte qenin nuk është ndonjë problem i madh, se dhe Tarja kur gërmoi, sipas subjektit politik të filmit, e gjeti grurin e fshehur nga “kulaku”.

Ndoshta edhe opozita do ta gjente qenin e saj të ngordhur, që e kishte Edi Rama. Në fakt, opozitës nuk i ka ngordhur qeni, sepse nuk kanë gjetur asgjë në kutitë e votimit, këtë po na e tregon rinumërimi që po bën KAS-i.

Opozitës i ka ngordhur kali dhe është fiks në momentin që mirë kali i ngordhi, por s’e lënë rehat as mizat.

Në rastin konkret PD mizat i prodhon vetë, sepse po rikonfirmon në mënyrë të pandalshme një rezultat katastrofik duke mos gjetur ende fakte dhe prova të pakontestueshme, të cilat vënë në dyshim procesin. Thjesht po mban veten dhe militantët me ison e qenit të ngordhur se duke gërmuar do të gjejnë grurë, në rastin e PD-së, vota, që në fakt nuk janë.

Deri tani janë dhënë cikërrima, të cilat në themel nuk ndryshojnë thelbin e rezultatit, që është tepër i thellë, me dhjetëra mijëra vota kudo dhe në bastionet e PD-së.

Si po kërkon me çdo kusht PD, të fusë në burg numëruesit e vet
6 Qershor, 19:26

Ndaj dhe kur opozitës i ka ngordhur kali dhe nuk e lënë rehat as mizat, shkojnë dhe kërkojnë qenin e ngordhur.

Do të ishte mirë që dikush ta kuptonte këtë, të vepronte. Të fillonte një frymë tjetër dorëheqjesh, analizash. Një grup parlamentar që është jo “ku thërret qameti”, po në një situatë që as Zoti nuk i bën dot derman.

Ndaj opozita bën më mirë të gjejë kalin e saj të betejës sesa të merret me qenin e ngordhur./ CNA