Kryeprokurori "kundër" Kodit të ri Penal/ Çela: Tendencë represive që rrit potencialin e kriminalizimit

29 Korrik 2025, 17:52, Aktualitet CNA

Kryeprokurori "kundër" Kodit të ri Penal/ Çela:

Prokurori i Përgjithshëm, Olsian Çela në një intervistë ka folur për draftin e Kodit të ri Penal.

Çela tha se institucioni që ai drejton nuk ishte i prnaishëm në prezantimin e draftit të kodit të ri, pasi nuk ishin njohur paraprakisht me draftin në fjalë.

“Nga ana e Ministrisë së Drejtësië erdhi një ftesë në drejtim të Prokurorit të Përgjithshëm për të marrë pjesë në aktivtetin e prezantimit të draftit dhe për të mbajtur aty një fjalë përshëndetëse. Prokurori i Përgjithshëm njoftoi organizatorët mbi vendimin e tij për të mos marrë pjesë në këtë aktivitet për shkak të mosnjohjes paraprake me draftin në fjalë. Prokuroria e Përgjithshme nuk ka qenë e përfaqësuar zyrtarisht në grupin e punës për hartimin e një kodi të ri penal. Është kërkuar në një moment një përfaqësues nga zyra e Prokurorit të Përgjithshëm për të marrë pjesë në një fazë diskutimesh mbi një pjesë e përgjithshme të draftit të përfunduar nga grupi i punës dhe më pas në mesin e vitit 2023, kjo pjesë e përgjithshme e projektit të kodit i është dërguar për konsultim prokurorëve, por që nuk pati vijim konkret”, tha Çela.

Më tej, Kryeprokurori u ndal dhe te ndryshimet në Kodin e ri Penal.

Çela tha se zgjerimi i veprimeve që kategorizohen si të rrezikshme dhe klasifikimi i tyre si vepra penale, rrit potencialin e kriminalizimit dhe sjell pasoja në jetën e qytetarëve.

“Fryma e përgjithshme në draft për të zgjeruar rrethin e veprimeve që kategorizohen si të rrezikshme në një masë të tillë sa të klasifikohen si vepra penale e të dënohen me burgim, tregon një tendencë represive që rrit potencialin e kriminalizimit të individit në shoqëri e që sjell pasoja të rëndësishme në jetën e qytetarëve”, tha Çela.

Prokurori i Përgjithshëm, Olsian Çela foli dhe për fazën e konsultimit publik të draftit të Kodit Penal.

Për këtë fazë, Çela u shpreh se shpesh herëndikohen nga emocionet e çastit, gjë që nuk duhet lejuar të ndodhë në një ligj kaq të rëndësishëm.

“Eksperienca ka treguar se procesi i ligjbërjes në vend, të paktën sa i përket sistemit të drejtësisë dhe sidomos kuadrit ligjor penal, është difektoz dhe shpesh herë ndikohet nga nevojat dhe emocionet e çastit” dhe “kur bëhet fjale për një kod, nuk duhet të lejohet që ky gabim të përsëritej për një ligj kaq të rëndësishëm”, deklaroi Olsian Çela.