web counter
LEXO PA REKLAMA!

SHKARKO APP

App Store
Google Play

E fundit!

x

Si ta lexojmë qeverinë “Rama 4”

11 Shtator 2025, 16:44, Editorial Elvi FUNDO

Si ta lexojmë qeverinë “Rama 4”

Në një dalje mediatike, i ftuar në “A Krasta Show”, jo pa qëllim theksova se kryeministri Edi Rama nuk do t’ia hiqte kënaqësinë vetes për të parë përballë se si do të reagonin personat që po bëheshin ministra apo ata që po iknin nga detyra.

 

Në një fjalim të gjatë dyorësh, kryeministri Rama theksoi se cili ishte drejtimi që ai donte t’i jepte qeverisjes së vendit, cili do të ishte qëllimi i tij final dhe i qartë duke u shprehur:

“Qëllimi im është që Shqipëria të marrë në fund vulën si vend anëtar i Bashkimit Europian”.

Qeveria është e përbërë nga emra të cilët vinin surprizë, por edhe njerëz që riemërohen siç është zëvendëskryeministrja, ministri i Financave, ministri i Mbrojtjes etj., apo ministra që qarkulluan nga një institucion në një institucion tjetër.

Elisa Spiropali nga Kuvendi më parë kaloi dhe mori Ministrinë e Jashtme.

Të tjerë si Arbian Mazniku, megjithëse nuk do të jetë më ministër, ka një detyrë mjaft të rëndësishme, Reformën e re Administrative, edhe kjo në kuadër të futjes në Bashkimin Europian.

Ministrat në vetvete nuk janë individë që mund t’i krijojnë probleme kryeministrit Rama, ai shpesh i ul dhe i ngre në detyrë sipas problematikave që konstaton rrugës, por po ta lexojmë qeverinë "Rama 4" është e ndryshme nga të tjerat.

Është e ndryshme pikërisht sepse në çdo qeveri një ministër merr detyrën dhe ka disa prioritete, kurse në qeverinë "Rama 4" të gjithë ministrat, përveçse prioriteteve, kanë provime të vazhdueshme, të pandalshme, janë gjatë gjithë kohës në provim sepse puna e tyre lidhet me kapitujt e integrimit dhe futjes në Bashkimin Europian dhe targetet janë të qarta.

Dihet pika ku duhet shkuar dhe askush nuk e shmang dot provimin dhe në provime të tilla mund të ngelësh e kjo mund të na sjellë që disa nga ministritë e shpallura sot shumë shpejt kryeministri t’i qarkullojë. Pra, mund të mos çuditemi fare kur pas 3 apo 6 muajsh në një ministri të rëndësishme të ketë një ministër të ri, pasi nuk ka arritur dot rezultatet e kërkuara në rrugën e integrimit europian të Shqipërisë.

Kështu, grupkapitujt e çelur, përveçse një detyrë shumë e vështirë për çdo lloj ministri dhe shtetin shqiptar, janë rigorozë dhe janë provime shumë të vështira ku për të ngelur shpesh dhe për ta dhënë provimin në vjeshtë nuk do të ketë kohë për ministrat. Nuk mund t’u japë dot kryeministri Rama kohë për riprovim, por thjesht dhe vetëm do të largohen dhe do të zëvendësohen, politikisht pa asnjë problem, sepse ai i ul, i ngre, i ka në dorë vetë.

Por, nga ana tjetër, tashmë vështirësia e kësaj qeverie është provimi i pandalshëm javë pas jave, muaj pas muaji, gjithçka e lidhur me grupkapitujt e futjes së vendit në Bashkimin Europian./CNA

 





Lajmet e fundit nga