web counter
LEXO PA REKLAMA!

SHKARKO APP

App Store
Google Play

“Koha nuk pret”/ Rama, në Konferencën e Ambasadorëve: Këto 4 vite përgatisim terrenin për integrimin europian

8 Shtator 2025, 10:07, Politikë CNA

“Koha nuk pret”/ Rama, në Konferencën e Ambasadorëve:

Kryeministri Edi Rama ishte këtë të hënë i pranishëm në Konferencën e Ambasadorëve që ka nisur sot në Tiranë dhe do të mbahet për tri ditë radhazi.

Në fjalën e tij, Rama u ndal te rrugëtimi integrues në BE, që e konsideroi si një moment historik për vendin.

Rama theksoi se në katër vitet e ardhshme të mandatit nuk duhet humbur asnjë ditë për të përgatitur terrenin për vendimin e anëtarësimit.

“Konferenca këtë vit vjen në një moment historik për rrugëtimin e shumëndërruar të BE-së dhe pa asnjë diskutim, të gjitha forcat e shërbimit diplomatik duhet të fokusohen në radhë të parë te ky objektiv historik, që është më afër se asnjë herë tjetër dhe përmbushjen me sukses të procesit të negociatave.

Këto 4 vite, të cilat përkojnë me këtë agjendë, janë 4 vite ku nuk duhet humbur asnjë ditë, se koha nuk pret, për të përgatitur terrenin për vendimin që do të marrë KE.

Sa u përket negociatave, zhvillohen mbi bazë dypalëshe. Atmosfera rreth tyre ka një rëndësi të vetën dhe patjetër që ka faktorë të ndryshëm. Është e rëndësishme puna e përditshme e trupit tonë diplomatik dhe nevoja për të ushqyer me pozitivitet.

Konferenca zhvillohet në një moment kur profili i Shqipërisë është në ngjitje, realitet në zhvillim dhe partner i besueshëm në rajon dhe tryezat ndërkombëtare dhe është një aset që duhet shfrytëzuar si pjesë e 'Shqipërisë 2030'.

Lind domosdoshmëria për të forcuar edhe më tej rolin dhe punën tonë si shërbim diplomatik dhe rritjen e intensitetit të komunikimeve, jo vetëm me qeveritë, por me të gjithë aktorët dhe faktorët politikë”,-tha Rama./CNA

 





Lajmet e fundit nga