web counter
LEXO PA REKLAMA!

SHKARKO APP

App Store
Google Play

"I la qytetarët të pambrojtur"/ Berisha: Ramaduro vendosi Shqipërinë në krye të listës së lajmeve të zeza

7 Shtator 2025, 16:26, Politikë CNA

"I la qytetarët të pambrojtur"/ Berisha: Ramaduro vendosi

Kreu i Partisë Demokratike, Sali Berisha ka akuzuar sot kryeministrin Edi Rama se ka vendosur vendin në krye të listës së lajmeve negative.

Përmes një postimi në rrjetet sociale, Berisha ndalet te zgjedhjet e 11 majit, kartelët shqiptarë të drogës dhe importet e fruta-perimeve.

Berisha shprehet se situata problematike në këto drejtime i ka lënë qytetarët të pambrojtur.

"Ramaduro vendosi Shqipërinë në krye të listës së lajmeve të zeza.

Miq, pas shndërrimit të zgjedhjeve në farsë të shëmtuar zgjedhore dhe denoncimit ndërkombëtar të tyre, vera e Shqipërisë ishte vera tipike e narkoshtetit. Kartelët famëkeq shqiptarë të drogës, të lidhur direkt me Ramaduron, u provuan si më të fuqishmit dhe më të rrezikshmit në Europë. Vetëm dyshja Copja–Çela kishin trafikuar në një vit 28 ton kokainë me vlerë 6 miliardë euro!

Por, përveç këtyre dhe rënies dramatike prej 30% të turizmit dhe numrit rekord të aksidenteve rrugore, emri i Shqipërisë po lakohet në lajmet e zeza si vendi që eksporton ushqime të helmuara në Europë dhe në botë, dhe se importon ushqime të infektuara. Njëra pas tjetrës, vende të ndryshme bllokojnë frutat, zarzavatet dhe prodhime të tjera të Shqipërisë si prodhime jashtë çdo standardi dhe të helmuara nga pesticide kancerigjene.

Por nëse shtetet e tjera mbrojnë qytetarët e tyre nga prodhimet e helmuara shqiptare, qytetarët shqiptarë nuk i mbron absolutisht askush. Ramaduro, me një të rënë lapsi, shkriu AKU-në, sipas tij shkaku kryesor i këtyre problemeve. Por pas kësaj, shqiptarët nuk kanë asnjë person përveç Ramaduros, asnjë institucion që të merret me kujdesin për standardet ushqimore. Sot ata janë 100% në duart e mafies qeveritare të importit të ushqimeve dhe inputeve bujqësore; faktikisht janë qytetarët më të pambrojtur në botë.

Po ato fruta e perime që jashtë gjenden të helmuara, konsumohen në Shqipëri pa asnjë kontroll”,-shkruan Berisha.CNA





Lajmet e fundit nga