E fundit!

08:42 Politikë

Mblidhet sot Këshilli Kombëtar i PD-së/ Pritet zgjedhja e Sekretarit të Përgjithshëm, nënkryetarëve dhe strukturave

Partia Demokratike vijon procesin e riorganizimit të brend...

Ndërtimet në Sazan dhe marrëdhënia me Kushner/ Rama: Për disa muaj do kemi masterplanin e plotë

4 Shtator 2025, 21:32, Politikë CNA

Ndërtimet në Sazan dhe marrëdhënia me Kushner/ Rama:

Kryeminstri Edi Rama i ftuar në emisionin “Opinion” nga gazetari Blendi Fevziu, është pyetur dhe për rastin e Sazanit, marrëdhënia me Jared Kushner dhe se kur pritet të fillojë ndërtimi.

Referuar lajmeve se ishulli i Sazanit i është shitur dhëndrit të Donald Trump, Rama i mohoi kategorikisht, duke thënë se Sazani është pasuri e shtetit dhe popullit shqiptar dhe nuk do të shitet kurrë.

Sa u përket ndërtimeve që do të bëhen në ishullin e Sazanit, kryeminsitri tha se qeveria shqiptare do të jetë partnere me grupin e biznesit dhe negociatat e partneritetit nuk kanë përfunduar akoma. Marrëveshja e bashkëpunimit do të kalojë në Parlament, njoftoi Rama.

“Ishulli i Sazanit është pasuri e shtetit dhe popullit shqiptar. As nuk është shitur dhe as do të shitet ndonjëherë. Ne do të jemi partnerë, qeveria shqiptare do të jetë partnere me grupin. Negociatat e partneritetit nuk kanë përfunduar akoma, do të kalojë në Parlament. Sazani dhe Zvërneci janë në fazën e projektit akoma”, tha Rama.

Gjithashtu Rama foli dhe për lajmet në mediat ndërkombëtare, se Jared Kushnerit iu dha drita jeshile nga Rama pasi Trump shkoi në Shtëpinë e Bardhë.

Kryeministri u shpreh se kur u arrit marrëveshja me qeverisë shqiptare dhe Jared Kushner, nuk dihet nëse Trump do të ishte president. Sa i përket rastit të Zvërnecit, kryeministri deklaroi se është një histori private.

Më tej, Rama foli dhe se kur pritet të nisin ndërtimet në Sazan, gjë për të cilën tha se procedurat nuk do të shkojnë dhe shumë gjatë pasi hapat janë bërë shumica. Kryeministri njoftoi se shumë shpejt pritet të paraqitet projekti i plotë për publikun.

“Është për të ardhur keq se si është interpretuar nga mediat ndërkombëtare ky proces. Kur unë kam takuar Jared, Trump nuk dihej do shkonte në Shtëpinë e Bardhë apo në burg. Për mua ata kanë qenë dhe janë investitorë amerikanë. Shqipëria nuk është një vend ku mund të transferohen konfliktet mes palëve në Amerikë. Raporti im me Kushner ka qenë një raport miqësor. Kërkesa e tij dhe kërkesa jonë ka qenë simetrike. Marrëveshja nuk është kryer akoma, nuk kemi një marrëveshje të përfunduar për Sazanin. Zvërneci është një histori private.

Procedurat nuk do të marrin gjatë. Shumë hapa janë bërë. Besoj për disa muaj do kemi masterplanin e plotë që do t’i paraqitet publikut. Mënyra si po punpohet do të vnedosi një standard të ri në infrastrukturën e mikpritjes në Shqipëri dhe Mesdhe”, u shpreh kryeministri./ CNA