web counter
LEXO PA REKLAMA!

SHKARKO APP

App Store
Google Play

"Të bëhet një analizë brenda PD"/ Kaso: Duhet të nisë mbajtja e përgjegjësive nga drejtuesit deri te baza

3 Shtator 2025, 16:13, Politikë CNA

"Të bëhet një analizë brenda PD"/ Kaso: Duhet

Drejtuesi politik i PD për Korçën, Ivi Kaso në një dalje televizive ka folur për rezultatin e 11 majit dhe situatën në PD.

Kaso tha se PD kishte përballë një makineri shtetërore, por gjithsesi duhet një analizë e brendshme e opozitës.

Më tej, Kaso tha se duhet të nisë mbajtja e përgjegjësive dhe për këtë arsye është i nevojshëm një riformatim i kryesisë dhe deri te seksionet e PD.

“PD ishte përballë një makinerie shtetërore. Por sërish mund të them se duhet të bëhet një analizë brenda Partisë Demokratike, mund të jetë riformatim i Kryesisë dhe deri te seksionet në Partinë Demokratike, për shkak se duhet të nisë mbajtja e përgjegjësive nga drejtuesit politikë deri tek baza. Unë dëgjoj gjithmonë demokratët për vërejtjet e tyre. Sigurisht që ne nuk jemi perfekt.

Unë vlerësoj çdo demokrat që është aktiv. Ne jemi të hapur ndaj gjithkujt, por ata që duhet të shikojnë sesi duhet të bëhet PD, e të parët që duhet të flasin janë ata që janë përballur në protesta e në rrugë. Këta janë anëtarët më të mirë të Partisë Demokratike. Ne jetojmë në një vend, ku kryeministri vendos gjithçka, nuk kanë rëndësi as ministrat, askush, pasi çdo gjë vuloset nga një dorë”, tha Kaso./ CNA





Lajmet e fundit nga