web counter
LEXO PA REKLAMA!

SHKARKO APP

Krijohet Operatori i Ujit/ Rama: Shpërndarja në 58 ndërmarrje ishte katastrofë e vërtetë

3 Shtator 2025, 11:12, Politikë CNA

Krijohet Operatori i Ujit/ Rama: Shpërndarja në 58 ndërmarrje

Kryeministri Edi Rama po prezanton këtë të mërkurë krijimin e Operatorit të Ujit.

Në fjalën e tij gjatë prezantimit, Rama vuri theksin te rëndësia e këtij sektori.

Ndër të tjera, Rama shtoi se kjo nismë vjen për shkak të një sërë problematikave të krijuara nga keqmenaxhimi i deritanishëm, por edhe kërkesat në investime.

“Është një sektor që kërkon administrim dhe investime. Por tanimë jemi të bindur për ecurinë e një reforme për përfshirjen e qeverisë në aksionet e kompanive të Ujësjellësit, që përfundimisht nuk kemi arsye të besojmë në një zgjidhje që na është sugjeruar shumë vite më parë, por edhe eksperiencave në vende të suksesshme.

Fragmentimi në emër të decentralizimit të sistemit të shpërndarjes së ujit në 58 ndërmarrje ishte një katastrofë e vërtetë.

Si edhe mungesa e ekspertizës e shoqëruar me mungesë të investimeve në mirëmbajtje, sollën situata shumë të pajustifikueshme.

Ne nga ana jonë kemi bërë investime masive nga ana e qeverisë qendrore dhe po të shohim hartën sot, nga 4 zona që furnizoheshin me ujë në 2013 dhe humbjet në rrjet që shkonin afro 70%, kemi një panoramë tërësisht ndryshe, por me atë që ishte dhe jo me atë që kemi, aq më tepër kur duan të shkëlqejmë në turizëm dhe kemi pikun e turizmit që kërkon shërbim”,-tha Rama./CNA





Lajmet e fundit nga