web counter
LEXO PA REKLAMA!

SHKARKO APP

App Store
Google Play

“Pusetë e madhe korrupsioni dhe krimi”/ Zhulali: Rama ka çuar ekonominë në drejtim të paditur

1 Shtator 2025, 21:11, Politikë CNA

“Pusetë e madhe korrupsioni dhe krimi”/ Zhulali: Rama ka

Ekspertja e integrimit, Ilda Zhulali komentoi sot lidhur me fjalën e mbajtur nga kryeministri Edi Rama në forumin e mbajtur në Bled të Sllovenisë.

E ftuar në ‘Syri Tv’, Zhulali u shpreh se batutat si në teatër të bëra nga Rama nuk i përshtaten një kryeministri serioz të një vendi që aspiron të anëtarësohet në Bashkimin Europian.

Zhulali tha se Rama nuk mund të mbajë leksione para Europës, teksa është një kryeministër që ka çuar në drejtim të paditur ekonominë shqiptare.

“Një kryeministër serioz i një vendi që aspiron të bëhet vend anëtar i BE-së duhej të ishte me një bilanc pune, por Rama nuk mund ta bënte, përsa kohë shkon atje si kryeministër që nuk di të zhvillojë zgjedhje të lira e të ndershme.

Ai e përdori dhe një herë këtë forum për të bërë teatër me batutat e tij. Sepse nuk ka çfarë të japë Europës leksione gjeostrategjike një kryeministër që ka çuar ekonominë në drejtim të paditur, aq sa BE kërkon me këmbëngulje të ndryshojë modelin ekonomik.

Me fonde të BE-së të abuzuara për shkak të një pusete të madhe korrupsioni e krimi që ka ngritur në Shqipëri. Ai i paraqiti shqiptarët si një popull që është gati t’i nënshtrohet cilësdo perandori”,-tha Zhulali./CNA  





Lajmet e fundit nga